【不問價追】下一浪買乜好？（小炒王梁心欣）（第131期）
2017-6-29 19:30:58
今個星期初各位投資者係咪好想講句「嚇死寶寶」呢？眼見細價股股災，好多朋友都摸不著頭腦，只係見到跌90%，唔理三七廿一就狗衝入去，我只能講句「祝你好運」，你要掃貨起碼都掃主板；市
值兩三億樓下嘅股份吧，有隻股跌90%，市值仲有10億嘅，真係掂都唔好掂。我自己都有執返啲，但全部唔過夜，免得夜長夢多，我相信今期應該好多專欄都會講細價股股災，咁小炒王都唔多提，反而想提下大家，進入第三季有咩好股要留意。
坊間大部份分析都話七月會進入調整，尤其係七．一之後，慶回歸20年嘅好消息已經見光，什麼大禮都已經送出加上股市連升多月，係時候要唞氣。小炒王覺得呢個反而係好消息，若然一枝箭咁飆上去，反而擔心大市未必咁有力連衝幾個月，緩和一下健康上升我覺得仲安心。既然大市要調我哋就要搵好股，之前嘅推介，包括勝獅貨櫃（00716.HK）、建溢集團（00638.HK）都出過盈喜，股價亦都有翻一番，所以集中捕捉盈喜股係七月、八月、九月的首選。仲記得2016年9月有一個升浪嗎？當時就係炒業績，邊間半年業績正嘅，就一沖而上。所以尋找盈喜股絕對係王道。
仲有略提下我仍持有的凱升（00102.HK），$2樓上接咗唔少，我等嘅就係業績發放，好多人都無睇佢cash flow, 其實呢點先關鍵。加上凱升合作夥伴台灣上市的伍豐於6月中業績發佈會提到「海參崴賭場『水晶虎宮殿』開幕1年半以來營運逐步好轉，主要業務分為大廳及VIP廳賭桌業務2部分。其中，以當地俄國人為客群的大廳業務，隨著俄國經濟轉佳，單月營收自開幕時約100多萬美元，目前已倍增達約300萬美元。至於VIP廳賭桌業務方面，主席徐明哲表示，主要聚焦陸客等東北亞地區客戶為目標客層，經過1、2年的經營了解，認為VIP貢獻基本上應超過大廳。伍豐對未來發展有蠻多想法，將與凱升控股洽談未來規畫事宜，認為今年賭場營運應會有很好的成果。」
就咁睇，我仍手持凱升等待回升，去年就係一份半年業績而爆升，今次都期待著低位爆發的機會，早幾日推介的新晨動力（01148.HK）都係低位徘徊良久的股份，只要摸清套路，捉實有概念的股份其實不難。
不問價追 - 小炒王梁心欣 舊文
來源 source: http://www.winmoney.hk
