經濟客艙：香港樓市vs多倫多樓市
■多倫多都好似香港咁，出現樓價狂升浪潮，新一代同樣面對上車難題。 資料圖片
香港同多倫多，兩個城市、兩種不同嘅樓市溫度，新一代卻面對同樣嘅難題：「買樓」。
香港樓價易升難跌，因為接近六成家庭已經供完樓。喺慈父慈母支持下，願意為子女
畀首期，又唔怕供多層，體現傳統父母為下一代嘅無條件犧牲。香港人與父母同為大多數，年齡層亦越推越後，甚至婚後選擇跟父母同住，比比皆是。
喺多倫多越來越多八、九十後，畢業後同父母同住，或者根本冇諗過搬出去住，佢哋仲成為樓價飆升嘅催化劑。多倫多都好似香港出現樓價狂升浪潮，主要原因都係過去全球放水熱錢流入、中國走資潮同移民潮掃貨及人口結構改變，房價只是一路向上。
多倫多二手樓市亦持續上升，但有人話二手樓缺盤又缺貨，竟然因為子女同父母同住有關。多倫多子女跟父母同住比例超過七成，二手房屋銷售佔整體銷售嘅比例近八成，跟香港同樣差唔多。不過，香港嘅家庭債務佔本地生產總值（GDP）比率相對加拿大低，今年首季佔比為66%；加拿大嘅家庭債務佔GDP比率逼近三倍。多倫多子女跟父母同住比例超過七成，二手房屋銷售佔整體銷售嘅比例近八成，跟香港市況幾相近。
二手房屋欠缺盤源，最大問題係多倫多嘅慈父慈母，佢哋冇香港嘅慈父慈母供完間獨立屋，仲有錢幫囝囡一炮過畀首期。佢哋唯一可以做，就係將間屋留畀囝囡，希望囝囡呢段期間嘅依賴，幫到佢哋儲首期嘅第一桶金。大多數嘅多倫多父母都係持貨觀望，房價只升不跌，形成同香港二手樓乾升相近嘅情況。
Captain Cool
https://www.facebook.com/seeforcaptain/
本欄逢周一刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
Captain Cool
經濟客艙 - Captain Cool 舊文
來源 source: http://hk.apple.nextmedia.com
