利字當頭：領展營商何罪之有
■當年入不入不敷出的房委會，就算拆售領展失敗，一樣會走市場化之路。 資料圖片
「沽爆佢。」無錯，假如你覺得一間公司妖氣沖天，你應該「沽爆佢」。至少可以學《策略王．財毀會》般，證明自己一眼看穿當中蠱惑。
話說回頭，高明已邀請我加入下一輪的《財毀會》挑戰賽；
我話：「香港咁多妖股，好玩呀！」
老實講，香港有幾多隻股票，可以教人買入之後安枕無憂？滙控（005）？地產股？又或者其他公用事業？當然有隻股王叫騰訊（700），但科技股這回事，又有誰會將所有雞蛋放入同一隻籃？不少追尋價值的投資者，由Luke Sir曾智華到股榮，長期投資組合中都會有領展（823）。
「領展賺嘅，係小市民血汗錢！」早兩日青年經濟學家徐家健君寫空談主義不切實際的禍患，實在贊成得不得了。以意識形態來反對一件事，沒有問題，但是因果關係的指控要成立，還是要靠實證功夫。假如說領展令物價上漲，難道在非領展商場物價通脹就來得更慢？
「領展將越來越多舖位租畀連鎖店，令小市民越來越缺乏選擇。」世界各地都有反連鎖店的意識形態行動，但是小店的消失，是否單純只因租金？老小店被淘汰，豈止是領展商場內獨有現象？
今時今日做生意，薄利多銷不可以單靠「人情味」。
若非越做越大降低平均成本，就只有走高檔貴價路線。像「譚仔」般的例子，皆因找出一條令平均成本越做越低的經營模式；其實之前也有提過，據說「譚仔」最賺錢的舖不少都在領展的商場。另外，759這家零售新晉，也在領展商場大展拳腳，分店越開越多。
不少人仍然視公屋附近的商場停車場街市繼續為「公產」，但又有沒有人想過，當年入不敷出的房委會就算拆售失敗，一樣會走市場化之路。說到底，拆售上市讓市民可以公平地分享其成，讓基金價格反映現實，又何罪之有？
利世民
http://www.fb.com/leesimon.hk
本欄逢周二、四刊出
利世民
利字當頭 - 利世民 舊文
來源 source: http://hk.apple.nextmedia.com
