唔買貴嘢3
2017/07/27 06:38:42
網誌分類: 經濟
聯儲局結束7月公開市場委員會會議，會後聲明表示維持聯邦基金利率在1厘至1.25厘區間不變，和市場預期一樣。比較特別的是宣佈會「相對迅速」開始縮表，暗示可能9月開始收縮資產負債表。聲明一出，美股一度收窄升幅，
但後來繼續向上，杜指收升97點。
儲局對美國經濟未來前景維持睇好。雖然承認核心通脹今年以來保持疲軟，但重申有信心在中期回升至2%，也看好家庭開支的增速。
市場較關注的聲明兩點修改。第一對通脹的描述變更，認為「整體」12個月的通脹率指標都報下滑。等如承認今年以來通脹疲軟已成為較為持久的現象。第二是將「縮表政策段落」內「今年」開啟縮表的時間，改為「相對迅速」地縮表。聲明無提上次明尼阿波利斯聯儲主席Neel Kashkari的反對意見，代表票委們一致通過了7月的決議，代表他們一致同意迅速縮表。
市場普遍預計聯儲局9月會議將宣佈縮表。而據芝加哥商交所聯邦基金利率期貨的交易推算，12月再加息一次的概率約為49.1%。年內只會加息三次而不是四次的機率，較一個月前大幅上升。
聲明發佈後，美股三大指數一度收窄日內漲幅，不過五分鐘後開始反彈。杜指重回上漲100點，接近開盤觸及的紀錄新高。美元指數迅速回落0.4%，跌破94點關口。現貨黃金曾上揚至日中高位1255.39美元，升幅擴大至0.4%。
聯儲局可能快至9月縮表的意向，整體符合市場預期，所以對美股無衝擊，對美元無支持。
另一方面，再延續早前的話題。有網友見到我話買大陸樓、英國樓，回應話「朱門酒人肉臭」。我又諗咗好耐諗?答唔答，最後都覺得可以講多兩句，其實完全唔係那回事。
大陸樓過去好易買，而家有限購麻煩少少，幾年前我去買廣州天河樓，都係盲中中上去搵經紀睇樓，我買樓時也在這裏講過幾次，話沽咗匯控去買廣州樓，唔知大家記唔記得?
8年前廣州天河10年私人屋邨樓，1萬元一平方，110平方，即係約1100呎，只係110萬人仔。那時香港樓已經5000、6000元一呎，600呎要300幾萬一間，我心諗廣州1100呎110萬人仔，香港600呎要600幾萬，廣州樓平到得人驚，咪去買?囉。買呢啲咁細銀碼的樓，真係想唔到有乜嘢「朱門酒肉臭」的味道。
但我自己買完之後，叫過親戚買廣州樓，佢買完內地個市即跌，那個親戚見我時呻咗一句，「唔知做乜叫我買大陸樓」(我估佢好討厭大陸)。到今天佢間樓升了5倍，我回想都有少少唔高興。而以後叫人買嘢亦好小心。
另外唔好以為英國樓好貴好難買，我仲衰到樓都無睇，在香港睇完報紙，上網做功課研究回報，用google map上網睇，然後就去文華酒店就揀樓，又係平樓、貴樓都有，幾年前倫敦樓花都係7000元一呎，非倫敦其他城市學區樓3000、4000元一呎有交易，平平地600呎樓，200、300萬有一間。那時香港灣仔新樓都已經15000元一呎，我心諗香港樓貴倫敦一倍以上，為何要買香港樓?
無論廣州樓或英國樓，都好易搵到經紀放租。廣州租金回報和香港差不多，但人地經濟增長10%以上。英國樓租金回報率當年有4、5厘，亦比香港高很多。
2012年的時候，廣州樓完未鬱，倫敦樓亦慢香港好多，當時在香港買一間市區600呎新樓，隨時可以買兩間1000呎廣州二手樓，再加一間英國600呎學區樓，1間等如3間，所以我覺得香港樓貴(只比廣州樓係1間等如4、5間)。所以買英國樓、大陸樓並唔係乜嘢「朱門酒肉臭」的遊戲，反而買香港樓就更「朱門」一些，道理很簡單，因為香港差不多全球最貴。
或者有人以為我講這些舊事是在寸人，其實唔係，我在反覆講一個「替代投資」的概念，唔買一處地方的樓，可以買第二度地方的樓，要買亦唔係咁難，當然你唔喜歡大陸，又作別論。若然純粹因為唔熟悉，多做功課即可。
即使到今天，大陸北上廣深四大城市的樓市已爆升，但在市中心外圍地鐵新到的地區，仍有機會。或者一些有潛質的城市如重慶，樓價20000多30000元一方(2000多元一呎)，仍然比較便宜。例如廣州外圍的番禺，離廣州市中心20分鐘車程，離廣州南站很近，將來香港高鐵48分鐘到廣州南站。番禺已是一個新城市，樓價只是20000多30000元一方，亦遠比香港樓便宜。當然如今有限購，買起上來複雜一點。另外買大陸樓亦不是不會跌，但買未升太多的大陸樓，跌起上來無咁傷。
你聽我講咁耐，可能覺得我好煩，講一些你們不熟悉的事情。若怕買大陸樓，可以買股票。
有一些國內房地產股亦不致於太貴，例如我都有提過的深圳控股（604），唔太鬱。如果買唔到大陸樓，其實可以用月供的方式分期不斷買604，因為它持有比較龐大的深圳土地儲備，相對於深圳現可能要60000、70000一方的樓價，它的土地儲備遠比這個便宜，深控總裁黃偉在業績會曾講過，深控持有300多萬平方米物業，僅以4萬元一平米的單價推算，貨值也超過1200億元。但深控如今市值仍然只是270億。
現在市場唔睇好這些中型內房股，故深控只做緊8.4倍PE、派緊6.2厘幾息，買入的風險不算太高。不過問題是這些股份買入了，不單未必會升，還可能會跌，提提大家我去年9月講過這隻股，那時它3.6元，如今又差不多這個價位，相對香港的樓價升咗上去，你會覺得買香港樓好，買這些股票差。
但我的意見是拉長十年、二十年睇，我覺得買604就比買香港細樓好好多。你想想屯門的舊樓要1萬元呎，市區新樓要2萬元以上一呎，相對於這種擁有大量平價土地儲備的深圳發展商，我會覺得它的前景會好好多。如果是睇一二十年或更加長的時間，後生唔買樓去買股，儲到自己退休時，甚或退休人士撥一些錢出來去買股，睇長線應該唔會太差，坐住派到6厘息都唔錯。(當然要長?一隻股，要睇佢每一次的業績報告，理解基本因素有無變，另外最好唔只止?一隻，組合多元化少少)
如果以投資的我的角度而言，投資產品要比較長的時間才可睇到它的效益，除了它的價值增加之外，亦都睇佢收幾多租金或者派多少股息。年青人唔知我講乜，到你退咗休、無每個月的收入時，如果你靠買股票的股息可以夠每月開銷，其實是一件好好的事。
我挖番這些舊事來講，只是想同大家討論?，乜嘢係平乜嘢係貴，同埋作為長線「投資的我」，應該買平嘢唔應該買貴嘢。
陸羽仁
回應總數
陸羽仁 BLOG 舊文
來源 source: http://blogcity.me
