金手指：港交所＄300在望
■耶倫畀人嘅感覺係轉咗軚，到九月落實縮表後，股市將會大插。 資料圖片
兩周前，孫柏文喺本欄寫咗篇題為「小時代，焗買股」嘅文。今日，我正式宣佈「小時代」變「大時代」了。憑數據，股市貴，外圍又係好貴，全世界都好貴。
大冧市，如箭在弦。不過，每次大冧市前，喺全球股
市到了最危險的時侯，每個股民被迫發出最後的吼聲，起來，起來，起來！我們萬眾一心，冒著貴價的炮火，前進！冒著冧市的炮火，港股，大股，前進，進！
點解？因為全球有錢階級，都覺香港銀行系統係全球最穩健。所以喺外國開始缺水時，一定要最後湧港，令港股進入大時代。2007年係咁，2015年都係。耶倫畀人嘅感覺係轉咗軚，到9月落實縮表後，將會大插插，不過，8月冇理由唔炒鑊甘。Oh yeah！
兩周前，我話過只買大價股，當時話過買咗五隻，分別係騰訊（700）、港交所（388）、瑞聲（2018）、惠理（806）、鴻騰（6088）。喺對上兩周，我都喺我嘅FB相繼宣佈沽貨，𠵱家只係得騰訊同港交所。如果你要揀，就不如齋買港交所。因如果大時代，就會喺數周後見300蚊。仲要一係唔鬱，一鬱就每日廿蚊、廿蚊咁升。
渾水話，港交所網站點擊率創新高，不過大家都見唔到成交額有咩大突破。即街邊實在有太多人只睇不買，呢批人將會數日後被貪婪焚身，佢哋一衝，買咗港交所嘅人想窮都難。各位股民，前進，進！當然，我聞到炒錯，就會即沽。留意我FB，我會同大家講我幾時沽。
孫柏文
獨立股評人
http://www.fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.apple.nextmedia.com
