魚樂無窮：北水新寵內房股
■路勁中期業績交足功課，北水短短十個交易日掃入7.5球貨。 互聯網圖片
路勁基建（1098）7月擱置分拆旗下公路業務，但其後只出現輕微調整，近日更乘內房狂潮連環破頂，不足一個月升足四成，係咪單憑這個原因炒到飛天？答案在9月4日找到！呢日發生乜事？咪就係集團成
為深港通新成員的大日子，事實上，北水短短十個交易日已掃入7.5球貨，相當於昨日成交的三倍有多，絕對唔嘢少，龐大買盤亦成功推高股價，最新持倉已超過1%，市值達14億元。
翻查路勁最新中期業績，你會明白點解北水會狂搶貨︰兩大主業交足功課，物業銷售大升五成至158.7億人仔，高速公路收則增17%至12.7億人仔；最新股息率仍有五厘，以每股NAV17.88元計，市賬率0.78倍。內房股大時代下，竟然有如此平價優質選擇，真係手快有手慢無。
路勁今年在中港取得八幅地皮，最新土儲逾720萬平方米，配合手頭現金逾百億元，業績已有保證。還有一點要注意，在港兩幅地皮分別與平安不動產及第二大股東深圳控股（604）投得，如此大品牌也搵路勁做盲公竹，江湖地位之高不言而喻，對未來中港兩地發展，可謂如虎添翼！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
