Can Bank：
市場供應真的有增加？
■施政報告中提到的房屋議題，表面上好似好多現成單位供出市場，但實質有幾多又無提過。 資料圖片
特首林鄭月娥於上周三發表其上任以來首份施政報告，一改前任於立法會內講足兩個鐘，只將重點變演辭，講咗40分鐘就收工。值得一讚係，今次林鄭演辭
確實係重點而唔係廢話，無論對佢報告內容係認同與否都好，起碼唔會覺得虛度咗光陰。
當然報告內容除開頭對中央政府效忠之外，對於政治著墨不多，但算是大範圍涉足到各項民生問題，起碼在港人最關心的房屋議題上著墨不少，報告中不單有首置盤、白居二、綠置居等，表面上好似有好多現成單位可以供出市場，但實質上有幾多又無提過。
上述這些政策真正新供應，是正在興建的公屋（綠置居），以及首置盤，兩項供應不算多，而白居二這些是要有人出才可以有人入的政策。
未來以綠置居取代公屋，即係話新公屋只賣不租，取而代之是一系列過渡性租住房屋，包括類似光屋的租住單位；社會房屋共享計劃；未補地價房屋出租以及組合屋等；雖然原有公屋不會變成綠置居，但資助租住房屋過渡化似乎係方向。
報告有提到目前75.6萬戶公屋住戶有19%是長者住戶，16%是領取綜援住戶，換言之，在政府眼裏只有約27萬戶是真正有需要長租公屋，即係餘下40幾萬戶有機會有能力從資助市場或普通市場上置業，或會成為新市場需求。
散子
Can Bank - 散子 舊文
來源 source: http://hk.apple.nextmedia.com
