財路：超級落後東風抵煲
■東風係內地汽車界中大孖沙級，與同業比較，股價超級落後。 資料圖片
東風（489）半年成績單安全過渡，之後公佈數據，亦都靚仔，喺同級瓣數當中，東風預測PE、PB又至抵，東風抵煲。
東風今年上半年盈利70.4億元人仔，增長4.2%，又半年度打後，東風7月乘用車銷量同
商用車銷量同比增加1.7%同45.9%、8月產品銷量同比增加13%同36%，到咗9月，同比增加4.2%同30%。
東風商用車瓣數，全部有雙位數靚仔增幅，兼跑贏內地總體商用車當月銷量增幅。
睇到係，東風食住呢瓣增長，嚟緊派發全年成績單，應該靚仔。場內專業預估，東風今、明兩年EPS1.85元同1.92元，現價10.48元預測PE得5.8倍同5.6倍，兩年預估PB0.7倍同0.64倍。
場內同級瓣數，華晨（1114）兩年預測PE16倍同10.8倍，PB2.96倍同2.4倍、吉利（175）19.8倍同14.7倍、PB5.5倍同4.2倍、北汽（1958）PE12.4倍同8.6倍，預估PB1.28倍同1.1倍、廣汽（2238）10倍同8.4倍，預估PB1.9倍同1.6倍。東風平咗一大截！
東風係內地汽車界中大孖沙級，上年，美國獨立品牌評估機構「世界實驗室」，東風品牌價折約1,000億港元，東風現價10.48元，總市值896億元，總市值比品牌價值，仲有折讓。又上邊吉利，一年嚟累升接近200%，華晨114%，廣汽亦翻咗一番，東風同期累升31%咁大把，超級落後。
買東風，當追番上最近磅廣汽明年PE8.4倍水位，東風都講緊要翻半番到15蚊樓上。
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.finance.appledaily.com
