【股場解密】中糧控股穩定向上要買（歐陽風）（JAN 23）
2018-1-26 8:30:07
雖然大市回吐了300多點，但不少當炒股升幅依然相當可觀，其中先鋒國際物流（06123.HK）就炒到飛沙走石，該公司獲圓通物流入主後將會改名，不過呢隻股票也相當惡炒，復牌後由4元升至5
元，再於3日後打回4元起步位，收齊街外炒貨先行正式升浪，好多短炒客都被震走貨源。
其實好一些優質而具炒作概念的股票也是非常難炒，就如近兩日升勢強勁的華潤鳳凰醫療（01515.HK），10月一個調整由11元打落9元勁跌了兩成，但是升浪一到，可以好快升回12元以上，呢隻股票短炒是不行的，但長線持有唔會令人失望，至少業績會交到貨。
股價升勢比較正常而穩定的一隻心水股是中糧控股（00606.HK），唔係炒國企重組，而係實實在在受惠糧食價格上升，作為中國規模最大的油籽加工商、小麥加工商及大米出口商之一，集團的業務還包括以玉米為主的生物燃料和生化產品、油籽加工、大米貿易及加工、啤酒原料和小麥加工。
現價中糧控股市盈率14倍，但來年每股盈利增至0.37元，市盈率降至10倍，一隻具食品價格上漲優勢的大型國企呢個估值唔貴，最重要係股價易升難跌，唔會突然震一震倉嚇餐飽。
另外傳聞長盈集團（00689.HK）重大交易好事近，趁短線回吐可以入市。
歐陽風
股場解密 - 歐陽風 舊文
來源 source: http://www.winmoney.hk
