中環在線：
「蘇黎世一哥」囝囝愛玩Minecraft
■許金桂（右一）與義工及青少年參觀深水埗二級歷史建築三太子廟，一同認識社區的歷史。
近年家長教仔女，唔一定要多才多藝，最緊要係有創意，所以瑞典開發嘅遊戲Minecraft近年好流行，蘇黎世保險香港行政總裁許金桂（Eric）囝囝亦
係玩家之一，「佢整咗個侏羅紀公園，仲有好多唔同嘅跑車款式。」
「一個激發創意嘅遊戲」
Minecraft其實係畀細路仔玩嘅電腦遊戲，可以喺一個3D世界入面自由建立鍾意嘅嘢，有細路仔喺海底興建咗秘密堡壘同樹屋，而遊戲亦可以探索世界、採集資源、合成物品等等。
Eric囝囝都有玩，佢喺自己嘅世界到起咗個侏羅紀公園，仲有唔同款式嘅跑車，「係一個幾複雜同埋激發創意嘅遊戲」。唔止咁，蘇黎世旗下基金仲捐錢搞咗個MineCity嘅活動，同10至20歲嘅唔同嘅社區同街坊交流，發掘故事，再嘗試用Minecraft去創造同規劃社區。
Eric話自己喺單親家庭成長，對基層嘅生活有體會，上月就同一班後生仔喺深水埗區內同街坊、商戶傾偈，講下對社區嘅睇法，同埋了解下區內經營小店嘅體驗等等。另外蘇黎世仲捐錢畀慈善機構，幫助年輕人發揮創意同創業等等。兩個項目捐款額差唔多800萬，預料3年可以接觸到7,000個青年。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
