一路一帶：林鄭唔夠決心 - 斯郎
林鄭上任逾一年，主子交給她的任務基本上都會完成，但處理土地供應一事，卻未有全力以赴。 資料圖片
特首林鄭月娥公佈新一份施政報告，早上只用咗40分鐘講解，筆者感受最深，是林鄭不停重複一國，維持國家安全穩定，其實要國家同社會安定，只要做到安居樂業即可。
林鄭喺記者會上感嘆，已經為市民製造置業階梯，奈何土地供應不足。她指出上屆政府仲可以揼石仔揼到地出嚟，但今屆政府連石仔都冇得揼，話過百幅土地等待改變用途，但爭議不斷。從而推銷「明日大嶼」發展。
林鄭上任至今超過一年，筆者感覺她做事有決心，親力親為，主子交給她的任務，屬下基本上都會完成（廿三條都鋪定路），作為實幹派，林鄭於土地供應當中，卻未有全力以赴，香港幾幅熟地唔敢抬，例如粉嶺高球場，林鄭回答記者時竟然話交由發展局處理，只要佢用親自領導創科小組嘅決心去拎地，一早解決咗冇地起樓嘅問題。
近嘅熟地唔去做，反而搬出填海大計，特首解決問題嘅決心唔知放咗係邊，再難搞啲嘅棕地，相信任內都唔會發展到，「好打得」已經明存實亡。筆者之前已講過，即使收返高球場，都唔夠應付每日150個新移民住，就算東大嶼山填完海，其實都係永遠唔夠用！（留意返，中共七常委嘅家人，大部份都拎咗香港身份證，喺香港有數億元物業）。
斯郎
http://fb.com/oneroadonebelt/
一路一帶 - 斯郎 舊文
來源 source: http://hk.finance.appledaily.com
