溫水煮蛙
今天跟大家以圖談金融市場上的溫水煮蛙。溫水煮蛙，是起先唔識死，最後察覺已是死。
圖一是近日美股期貨的1日走勢圖，嘩！一開市就急跌，但在中午之後，大市就逐步收復失地，只是以跌少許收市。投資者會認為，哦，低位好有支持喎！
圖二是將幾日以來的每
日跌少許、好有支持喎的圖連起來，投資者就會驚覺，嚇！跌咗咁多？我揸住嗰隻，唔見咗50%囉！
的確，每日跌5%，6、7日下來就會跌了50%了。每日唔知跌，一覺醒來，就跌到痛，是為溫水煮蛙。要怎樣才可先知先覺，免被淡友一鑊熟？很簡單。
留意跌市及反彈成交
淡友要沽貨，如量少，是會股價在100元時沽100手，急跌了10%，淡友反手買番100手或以上，股價自然急彈，隨時會彈突。當日成交300手，淡友手上仍持有100手貨，倉未減少，反映淡友惜貨。淡友仍惜貨，市跌極有限，這叫做上下其手搵食。
但如淡友不惜貨，要沽清為止，會怎做？
當股價仍在100元時，沽貨100手，股價又急跌了10%，但10%的跌，一定會驚醒不少散戶好友，這些散戶分分鐘第二日會早過淡友便沽貨，淡友如有大量貨要出，便會被心慌慌的散戶急踩散個市，淡友出貨價便欠佳，淡友為了要出得靚價，在股價跌了10%後，便不沽，但就買回50手，把股價托回上些，但由於沽100手，只買回50手，股價的反彈一定不太勁，但可能會將當日跌幅收窄至只跌5%，不少散戶會大意被麻痹了，5%未到10%的止蝕位吖，而且低位有反彈喎，結果就是翌日仍會施施然，飲完早茶才去看市，當淡友又重施故伎，一早又沽低10%時，亦可能會嘆，唉，沽唔切，等反彈啦！
淡友又再沽100手，買回50手，如果散戶不將個市的沽貨時成交，與反彈時成交分開來計，就不會察覺到沽時狠（100手），買回時有限（50手），即是叫死貓彈，亦即會有溫水煮蛙效應，唔知唔覺，直到失知覺，瓜得。
近日環球市場處處出現這些，急跌成交大，反彈成交少的死貓彈現象（圖三）。其中一個最要命的是彭博有個「聰明錢指數」，近日急跌，已跌回至2000年科網爆破及2008年雷曼爆破時的低位（圖四），當聰明錢也自市場撤走時，會否應了「今朝吾軀歸故土，他朝君體也相同」？係就慘咯！
怎樣才你死我唔死？見圖五，這個以後談。
報讀課程可穩中求勝
投資不想死，就要求知，可以see，有see不用死，用6小時可以掌握不用死的技巧，有個課程幫到你。
有沒有不用理會大市起跌、不用承受風險、不用食驚風散的投資方法？想自製穩陣的現金流，甚至跑贏大市，部署退休？怎樣買入抗跌力強的收息股？又怎樣用簡單期權策略賺息？
想知箇中技巧？立即參加《香港經濟日報》經濟商學院於11月20日及27日舉辦的「『財息兼收』課程︰收息股組合配置與期權賺息策略」，由擅長期權策略的財經評論員、多次準確預測恒指及個股重要趨勢的金曹主講。上期一推出即刻爆滿，學員滿意度爆燈，欲免向隅，就要即時報名。請電2468 0006查詢或登入http://www.etbc.com.hk/e697.html了解詳情。
轉載自:晴報
政經頑石不低頭 - 石鏡泉 舊文
來源 source: http://www.etnet.com.hk
