智取大市 - 晉佳 2018年11月21日
智取大市：七傷拳逃得過嗎 - 晉佳
港股噚日跌531點，主板成交僅775億，反映沽壓已經比之前減輕了。
資料圖片 適中字型 較大字型
美國商務部就技術出口管制清單徵詢公眾意見，無話針對中國，但涉及人工智能、芯片、量子計算、機械人、Face ID同聲紋等14個類別，消息令科技股傷上加傷。
最終管制到乜嘢程度？相信又係習特會嘅主菜之一。無論如何市場先會將件事無限放大，今次最傷嘅，似乎係NVIDIA，皆因人工智能、無人車乜乜乜，個個都靠佢，管制力度越大，對佢未來出口打擊越大。
NVDA啱啱季報表現強差人意，稅前多賺兩成咁大把，灰爆嘅NVDA季報展望連帶重擊Bitcoin價格，兩者累鬥累。受到美國出招打擊「中國製造2025」影響，A股投資者亦投降，海康威視大成交跌9%。
管制技術出口，同收關稅唔同，美國收完中國關稅，轉頭可以向本土企業減稅，將利益重新分配，可以塞住企業把口。但管制技術出口，美國必然單方面少咗生意，只係喺美國輸嘅情況下，令中國輸得更慘，絕對係七傷拳，因此呢單嘢應該有得傾。市場最討厭不明朗因素，唯一好嘅，係港股跌531點嘅主板成交僅775億，仲少過之前幾日慢升市嘅單日成交，反映沽壓已經比之前減輕了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
