智取大市 - 晉佳 2018年12月3日
智取大市：休戰90日之方向 - 晉佳
中美關稅戰休戰90日，資金可能會由受累股逐步流入避險股。 資料圖片 適中字型 較大字型
中美關稅戰休戰90日聊勝於無，習特會明確暗示關稅只係中美科技冷戰嘅籌碼。另一重點係中國暫時批准美國高通收購荷蘭NXP，讓高通提升自駕車同物聯網嘅半導體技術，即係兩項未來科技發展重心嘅關鍵技術。假如美國3月初恢復決定向中國增收關稅，高通單刁亦可以再落閘，即係習特會可以當乜都冇傾過。
總括嚟講，投資者未必會對今次和平散會而感到興奮，更感覺到科技冷戰係有排捱嘅一場仗。習特會氣氛良好，似係兩強再度交鋒前嘅先禮後兵。
既然中美今日唔可以透過協商解決任何紛爭，證明一啲根本性問題，例如中國侵權、AI暴力式發展嘅威脅，畀多90日其實都難有共識，至少大部份投資者都會相信呢一點。咁未來90日股市會點樣發展？資金可能會由受累股逐步流入避險股（即不受貿易戰、科技冷戰拖累板塊），中美膠著狀態亦促使股市跟隨膠著，令換馬過程可能透過反覆嘅上落市、估值輕微下移地逐步進行，唔似有好清晰嘅大跌或大升方向。冇方向，或許就係一種方向。
至於點解係90日？或許同特朗普部署連任時間表有關。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
