笑到最後 - 高明 2018年12月3日
笑到最後：深度解讀「中美共識」 - 高明
雖然白宮已就「特習會」會議發表聲明，但往後特朗普的Twitter先係真正意願，特可以隨時發表相反意見。 資料圖片 適中字型 較大字型
上星期五，港股明顯處於避戰狀態，全世界都在等待「特習會」會議，結果周日早上，華文傳媒指，中美兩國達成共識，明年1月1日起不再加徵關稅。
如果只睇華文傳媒，當然覺得變成一大利好消息，若再對比白宮的聲明，實質只係暫緩加徵稅項，官方用字係「特朗普已答應明年1月1日不會上調對2,000億美元價值的中國產品加徵關稅稅率至25%」。代價係我國要買一個很大額但未同意數量嘅農業、能源、工業同其他美國產品。
高明估計金額都大約係300億美元，即2,000億美元貨品冇加嗰15%關稅，直接買貨當交關稅。香港人若要為國家出一分力，就係現階段要低調處理東大嶼山填海計劃，若被美國得知我國連香港一個小城市填海都可以用萬億倒落海，肯定獅子開大口，現屆政府不得不防。
睇多一段，呢個代價最多只係可以拖90日，因為雙方要喺未來90日內，就科技轉移、保護知識產權等達成共識，下一句更惡，「如未能達成協議共識，10%關稅將會提升至25%」。
再睇深一層，90日只係最多，中間可以突然死亡，因為文件冇寫同意1月2日唔會加、2月1日唔會加，根據過去慣例，往後特朗普的Twitter先係真正意願，可以某年某日突然出招。即使官方出聲明，特亦可在Twitter發表相反意見，現時應保持樂觀但不宜跟車太貼。
港人常因沒記性而被批評為港豬，其實，投資者又何嘗唔係投資豬，明明人人批評特朗普講話不可信，偏偏每次在Twitter隨便打幾隻字、或有消息流出便信足十成，一窩蜂去買，之前被佢左一巴右一巴完全忘記曬。港豬善忘只因為返工搵食，全世界操控最多短期資金嘅一班人善忘，則次次衝出嚟輸錢，計落港豬稍勝一籌。
高明
http://fb.com/bigricetea
笑到最後 - 高明 舊文
來源 source: http://hk.finance.appledaily.com
