中環在線 - 李華華 2018年12月4日
中環在線：滙豐高層執位 力攻大灣區 - 李華華
滙豐李樺倫（圖）將會同王立偉一齊兼任廣東聯席行政總裁。
資料圖片 適中字型 較大字型
獅子行耐不耐都有人事變動。最新就係人稱「Monty」嘅老臣子何舜華（Montgomery）退下火線，取而代之，滙豐中國搵嚟高層「孖咇」頂上，力攻大灣區。
滙豐2015年起加大對珠三角地區投資，廣東業務更是重中之中，當年委任擁有超過30年銀行業經驗的Monty擔任廣東行政總裁一職，睇實成盤廣東生意。
如今資歷豐富嘅Monty退休，滙豐中國即任命兩位高層「撐場」，分別是廣東工商金融董事總經理王立偉和廣東零售銀行及財富管理業務總經理李樺倫，一齊兼任廣東聯席行政總裁。廣東生意咁大，一位睇「個人業務」，另一位聚焦「工商業務」，華華覺得就非常之合理！
華華今年初見過李樺倫，當時佢仲介紹為信用卡而設的手機App「滙豐Reward+」，不足一年，佢就轉為北望神州，主力搵客、產品銷售等個人業務，擁有逾廿年零售業務經驗的李樺倫相信可以得心應手。
兩位廣東聯席行政總裁將會向滙豐中國行長兼行政總裁廖宜建滙報，廖宜建話，今次任命可以加強區內個人及工商業務，希望珠三角地區的業務會進一步增長。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
