Can Bank - 散子 2019年3月5日
Can Bank：港商赴京開會為乜 - 散子
本港立法會會議不時出現議員瞓覺鏡頭。 資料圖片 適中字型 較大字型
全國政協會議周日開幕，除咗本港政商界要到北京開會之外，唔少傳媒會都到政協開會場地，希望取得會議第一手資料。本港商界亦都有在開會前後發表一嚇，總結落嚟，可以分為兩類，第一類係：中央國策方向是最好的系列，不論乜嘢國策都趁機讚頌一下。第二類係：你話點就點系列，無論中央推咩政策都支持同尊重。
其實政協開會原意係讓各個界別人士提出建議及討論，政治協商是對國家及地方的政策方針及政治、經濟、文化及社會生活中重要問題在決策之前進行協商，各團體亦會可以將有關重要問題提交協商。換言之，政協會議就係提交意見嘅時機。
唔知係港商開咗咁多年會都仲未摸到中央嘅底線，定係國策真的是最好嘅關係，大部份港商在政協會議上只係歌頌同支持，無發揮到政協提建議嘅功能，令人懷疑佢哋點解要開會。如果可以嘅話，真係希望在本港立法會不時出現嘅《蘋果》開會Sleep cam可以入到會場，影低邊個瞓緊覺，相信可以出到相集。反而講到提建議，內地商界仲做得好過港商。
散子
http://fb.com/ 散子-257101397966975
Can Bank - 散子 舊文
來源 source: http://hk.finance.appledaily.com
