智取大市 - 晉佳 2019年4月8日
智取大市：周期性升浪玩法 - 晉佳
建滔積層板主席張國華。 資料圖片 適中字型 較大字型
港股連升之餘，唔少周期性股份亦連環上升，民航發展基金減徵一半，刺激航空股裂口高開一至兩成，結果引嚟獲利盤瘋狂沽貨。另一優質周期板塊濠賭股，銀娛（027）、永利（1128）等等一星期內狂升一成以上。呢轉周期股發威，時間短而力度強。之前介紹過嘅東嶽（189）大幅爆升，證明業務有進步能力嘅周期股，呢輪極受歡迎。
所以，選股時，大家要留意周期股都有進步能力、冇進步能力之分。例如內銀股便是無進步能力嘅周期股，注定落後。另一點值得注意係，周期性股份喺整體大市之中，相比增長股及當炒概念股係落後選擇，當資金喪炒周期股，往往反映中期升浪接近中後段，要留意整體大市接近整固，當然，最後一定係龍尾股炒上。
如果質地不太差而股價未起動者，可視為周期股短期升浪嘅滄海遺珠。今年頭兩個月建滔板（1888）係威係勢，3月到𠵱家變軟皮蛇，尤其公佈舊年業績遜預期後，股價一直落後，高位調整逾兩成，但股價近期總算企返穩。印刷電路板年初至今行情仍暢旺，舊年業績陰霾可當粉筆字抹走，基本面並無不妥，短線落後照計有能力短炒一轉，可留意。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
