金手指 - 孫柏文 2019年9月3日
【金手指】政府有冇份掟汽油彈 - 孫柏文
政府到底有冇份掟汽油彈？差佬話冇。信唔信？ 資料圖片 適中字型 較大字型
孫柏文好想知，究竟政府真係冇份掟汽油彈？差佬話冇。我哋信？咁有冇啲大陸來嘅臥底掟呢？去到呢個位，相信我哋香港人個個心裏有數。要求成立獨立調查委員會，已變成個畀次機會推翻我哋心裏嘅想法。
假扮對手，玩老屈，確係最卑鄙，不過冇人知又確係有效。所以如要我下注，我會買永遠冇真嘅獨立調查委員會。我哋對住嘅係一個去到呢刻，一個極脆弱嘅政權，所以面子先咁緊要，要一步不讓。
由08年來，比聯儲局印鈔量多一倍嘅經濟體，物價，特別係食物，已達高速通脹。97年嘅印尼、90年嘅日本、89年嘅蘇聯，同2019年嘅強國一樣，都係啲多年每投放一蚊投資，完全回唔到本嘅經濟體。癌細胞般嘅Malinvestment充斥先個系統。
好啦，最大鑊係啲解結嘅機械，全部第一都要真相浮面先能work。傳媒、法庭、會計制度等，要搵到真相先能令資金分配有效。不過佢哋視嗰啲機械，為造false reality嘅工具。冇錯，確實能呃得一時，爽到爆。不過系統壓力不斷增加時，到爆就會玩完。
97年一月一日落耶加達街頭，問任何人：「你估蘇哈托政權仲可以玩幾耐？」答案有如今日落北京街頭問中共仲可玩幾耐一樣。
呢13個禮拜已成港版「Amritsar Massacre」，你求神拜彿你個政權冇事，因為人心已定，後果一樣。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com
