今次香港政府喺武漢肺炎一役，「讓權貴先走」作為嘅「大局」思維不言而喻，政府高層視醫護人命如草
芥，明顯同港人利益形成衝突，衍生出政府同醫護嘅對峙，香港國際形象進一步重創。
喺外國人眼中，只會覺得香港連防疫呢個民生重大事項都被政治騎劫，進一步令國際對香港未來投下不信任票。
賀一誠最近被網民瘋狂吹奏，作為澳門經濟命脈嘅賭業可以話停即停，算係大膽一著，但係賭業嘅極強正現金流本質，停業兩周甚至更長時間，都不損其筋骨，澳門政府出手包袱小，形成先天優勢。
澳門喺防疫成功取分，日後要發展金融，難度分當然係幾何級上，但今次表現的確畀到國際多一點點信心。要發展金融，澳門最缺乏係人才同知識，總會有人出嚟幫澳門一臂之力，尤其喺全世界對於澳門發展金融成敗零期望之際，徒勞無功絕非過失，有少少成果肯定已被論功行賞。
如果要討好中共，想幫上任後已建一功嘅賀一誠手，定係幫林鄭手？點樣先算係捨難取易？喺今次武漢肺炎過後，答案睇嚟相當明顯。
當然澳門分薄香港談何容易？只不過，相信任何人千算萬算都算唔到，一場武漢肺炎疫情，對於香港、澳門，可以產生咁大衝擊。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
