【利字當頭】武肺禍延一整代人 - 利世民
中共武漢肺炎對經濟影響，可以唔係幾季，或者幾年，而係一代人時間。
資料圖片/互聯網圖片
正當香港宣佈零確診，新加坡先開始處理第二輪爆發，而且一日嘅確診數字，就已經超越曬香港咁多星期以來嘅確診個案數字。
記得疫情剛爆發，有位上一輩嘅經濟學家
言之鑿鑿，話疫症可以用stochastic model去推算，認為沒有必要封關，亦不需要過份緊張。事實證明，香港人嘅緊張，結果係我哋用相對低嘅代價，換來大多數人嘅安全。事件嘅教訓係，所謂嘅抗疫，真係要大多數人嘅覺醒。
無新增確診個案，雖然表面睇有少少神奇，但唔好唔記得，當年沙士其實都係咁。真係㗎？點解嘅？以我有限嘅科學話我知，其實接觸到一隻病毒，到變成「帶病毒者」到發病，其實係三件事。即係話，可以好多人接觸到，甚至變成「帶病毒者」，但唔代表會發病。當唔發病嘅「帶病毒者」係大多數，即係多數人都係隱性；病毒可以更有效咁propagate，甚至同人類共存。我讀緊William McNeills嘅Plagues and Peoples，亦有提到呢個現象。
從前嘅世界，要差唔多120年，先至可以出現一隻病毒同人類達到共存嘅平衡。不過，由於人與人之間嘅交流密切咗，其他因素亦有所改變，所以家陣又唔一定要120年，可能真係會快好多出現所謂嘅平衡點。但無論如何，呢個咁複雜嘅關係，數學上更加近似 chaotic同complex adaptive 嘅模式，即係話某經濟學家所講嘅stochastic modeling，真係唔知就嚇死，知就笑死。
點都好，我係戥未來兩年嘅經濟，以及呢兩年嘅畢業生擔心。歷史嘅教訓係，2001至2003年嘅畢業生，無論係收入水平真係差，唔單止係嗰幾年，而係往後嘅水平同增長都差過其他年份嘅畢業生；所以 #中共武漢肺炎 嘅經濟影響，可以唔係幾季，或者幾年，而係一代人嘅時間。
利世民
http://fb.com/leesimon.hk
本欄逢周二、四刊出
利字當頭 - 利世民 舊文
來源 source: http://s.nextmedia.com
