士佳說 - 張士佳 2020年8月11日
【#士佳說 】張士佳：避過小劫
【#士佳說 】張士佳：避過小劫
大家可記得上周出街的視頻中，我叫大家走靚股，減少手上的新經濟，真的要買，買些舊經濟，雖然寥寥幾句，但其實我需要很大的膽量及對自己做法抱很大的信心。鬼咩？當時新經濟股升到彭彭聲，坊間無人咁樣講，你要預測轉灣，先前一直買開騰訊#700，現在你叫人走，仲要走去買濠賭，內險，發癲嗎？
事實，昨日就係咁，騰訊#700跌近5%，阿里#9988跌2.73%，恒大健康#708跌7.73%，康希諾#6185跌7.8%，瑞聲科技#2018跌5.63%，比亞迪電子#285跌7.46%，反而匯豐#5升0.95%，中移動#941升1.76%，銀娛#27升5.59% ，不是懷舊的最佳寫照嗎？
知易行難，要沽#700買匯豐，我自己都做不出，我只係沽#700買內險，更多的是減持先前靚股，昨日避了一小劫，當中有例外，像美團#3690較靚，但例外唔算多，舊經濟亦唔係好，只好市唔想跌，或有人唔想市跌，買著低殘的舊經濟股（因手上無），而出手上的股，咁手上有咩股呢？新經濟股囉。
呢個趨勢到幾時？唔知，要個市話我知，等到市跌新經濟股優於大市一兩天，到時可能會番兜，但呢一刻市在彈，唔見得新經濟股好，還是持盈保泰，少買為妙。
日中亦不愁無對象，我們這派擅長捉即市波幅大的炒即日，昨日大家對壹傳媒#282新聞議論紛紛，睇佢幾時執笠時，我們見系統提示，便逆風買入，成為全日主角，下個主角現在唔知，要等有信號才知，但濠賭該望多兩眼，先前無買的話，這刻不敢跟進，但澳博#880似脫胎換骨，值得等回落再破頂後跟進。
士佳說 - 張士佳 舊文
來源 source: http://skycheung.weebly.com
