士佳說 - 張士佳 2020年8月7日
【#士佳說 】張士佳： 遊擊·隊
【#士佳說 】張士佳： 遊擊·隊
昨日恒指回落，但個股格外精彩，可炒的主題七八個，想做到兩邊賺，沒多難，這幾日我的操作心態，粉絲應已很清楚。
今日操作照舊，個股短線遊擊為主。以往炒期指炒即日，個股炒幾周，因為成本影響，但現在期指即市很考功夫，像昨日上午失驚無神跌，從25232下跌到24591，跌近700點，令人以為淡友控制大局，但下午又係另一失驚無神炒番上249XX，升番400點，其後又回落至246XX，少D功力都唔識炒，反而中線，較易操作，高升不了，跌又跌不深，去到令人心動轉念，唔通真係升，正是跌的邊緣，到跌幾天，大勢已成，就會給你一個像樣反彈，似乎今日都係咁。至於個股，亦由於日內波幅大增而便炒即市，有賺頭，只要看中個股，上午下注，收市賺7%以外的唔少，反而長坐，升升跌跌，今日升買，過幾天可能得個桔。
寫幾個主題，雖然港交所被特朗普直接點名批評，但港交所昨日V形反彈，反映市場較看重中概股潛在的上市利好消息，應逢低也彈。
劵商股續有異動，中信建投#6066再次完成融資，合併消息續有炒作。加上，最近內地股市交投暢旺，有報導指30家A股上市券商中，有15家的凈利潤漲幅超過了100%，內地券商股全面炒起，帶動港股。個人覺得內地劵商股急升銳跌，只宜日內操作，長揸困難，而當中#6066及中金#3908走勢較易看，亦與正面新聞訊息有關。
手遊股同樣受追捧，IGG#799半年多賺近88%，旗下王牌遊戲「王國紀元」受惠疫情收入回升，派息年增93%兼另派特別股息，拉動板塊急升。#799我關注很久，走點走點近乎走曬，不過昨日上番車，都有賺頭，若能回調，再破頂，我會再買，#799叫醒曬同伴，我有炒友誼時光#6820，百奥家庭互動#2100，心動#2400，但我都係炒日內為主，唔知幾時又要突然從老美下架，大家做做功課，那些沒美國玩家才好。
今日泰格醫藥#3347上市，先前有叫大家抽，可惜散戶60手才中一手，但係都好過冇，暗盤升近兩成，算係咁，今日都係升完跌番或升完回調為主，我密切留意佢是否康龍化成#3759番版,不過#3659也不是一上即升，要消化磨合一輪，大家密切注視。
講開#3759，昨日終見其股東減持行動，都算減得多，看看會否是#2269番版，減完見支持就升。
幾隻半新都有力上番，兩隻物管，一隻破頂左等收錢，另一隻等破頂，再加注。
另外昨日有炒高偉#1415，又係即市有利潤，博業績過了市，純利增長33.6倍，但都是符合預期，都係升完又回之流。
市後還有長和公布業績，中期純利63.6億元，按年跌58%，更削派息34%，可見營商環境的壓力，跟IGG受惠於疫情下派息有驚喜相比，可算是天與地，所以博反彈，就算係舊經濟都係以內地業務為主的較化算，今天市未必點跌，首小時企穩，又係炒板塊之時，記著我近日炒的都不是街坊耳熟能詳的靚股，反而係二線之流。
士佳說 - 張士佳 舊文
來源 source: http://skycheung.weebly.com
