搞乜鬼奪命投票
你有你肉緊，有選舉，總有一大票人未必出來投票，理由藉口包羅萬有各自精彩。
不同的啦啦隊，必然出盡吃奶的力，誓要動員最大力量，為自己催票，令對方失票，今年美國總統大選的競爭手段，出埋：恐怖片。
《搞乜鬼奪命雜作》(Scary Movies)已經被惡搞再惡搞，戲謔又戲謔過無
限次，但你唔好理，玩極唔厭又一樣有收視。
今劑，又一次，一個金髮少女獨留在家，又收到神秘鬼聲詭秘惡作劇電話，例湯例水故弄玄虛懶咩咁……悶到女主角瞓鬼著咗。
廣告片實在太長，重點係最尾嗰口棺材釘(也最驚嚇)，整蠱電話告訴女主角：2020，11月3日，特朗普勝選連任。
嚇到女主角呢……廣告片剪畫加聲大播高頻尖叫，提醒世人記得投票，好明顯是支持拜登/民主黨的手筆。
這條片創意好嗎？唔算，翻炒scary movie又沒特別新刺激，但有冇效呢，有。因為太多美國人一諗到侵侵連任係會奪命尖叫。Meanwhile，我們繼續花生，或者爆谷。
https://youtu.be/VAMCYDO9xRA
廣告人語 - 畢明 舊文
來源 source: http://www.am730.com.hk
