操盤手劄記｜疫情持續的贏家（割柑人）
舞照跳？出事囉！建生國際（224）主席吳汪靜宜、麗新發展（488）主席林建嶽前妻謝玲玲相繼染疫。周日政府首次引用《599J》規例，強制本月曾到14間舞場人士檢測。
另外，當局會向確診者發放5,000元津貼。網民揶揄「重賞之下，必有病夫」，高官
嘅經濟思維令人「O嘴」！近半個月，全球主要股市都喺憧憬疫苗面世同擔心疫情惡化之間反覆，資金喺新舊經濟股之間輪動，操盤轉身唔夠快，隨時左一巴右一巴。
港股喺第四波疫情下，部分資金又見轉向，再由愛舊轉向愛新。周一，恒指收26,486，升0.1%，整固格局，支持位26,000，阻力位26,800。喺防疫、限聚槪念下，本地網購龍頭香港電視（1137）上周五反彈12.4%，周一再升3.1%，收12.74元。港視嘅業務同股價，都同疫情高度關聯，若疫情持續，有機突破前浪頂13.76元，形成雙底，上望16元。
不過，落注港視要𥄫實每月營運數據，每每公布翌日，股價都會波動。大陸近半個月亦出現新一輪疫情，繼天津、上海、安徽後，內蒙古亦再現本土確診，患者居住嘅滿州里市要封城。
上年底以嚟，疫情推升上網需求，受惠行業唔少得電腦業。據IDC報告，第三季中國平板電腦市場出貨量按年增長21.7%，創6年嚟單季最高按年增幅，但仍缺貨。瑞銀就睇好聯想集團（992），料會繼續跑贏全球PC同業，因有強大售後服務支持，有望擴大市佔率，因而調升其盈利預測同目標價，睇7元。該股周一破頂，收5.77元，升5.3%。走勢上，升破阻力位5.6元，呈現頭肩底同區域突破利好訊號。值得注意嘅係，該股周三除淨，此前買入收中期息0.066元。
割柑人
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
操盤手札記 - 割柑人 舊文
來源 source: http://hk.news.appledaily.com
