士佳說 - 張士佳 2021年8月18日
【#士佳說 】張士佳：撥亂反正，入正循環
【#士佳說 】張士佳：撥亂反正，入正循環
大市一下子又跌數百點，終於跌過了26000點水平的區間，呢個在預期之內，昨日的youtube直播都講了應市的方法，詳細的記得去重溫。
視頻講得好清晰我對後市的睇法同做法，不再重覆，今日寫寫一些當中的執行心態，對大家應付目前嘅市況，應該好有幫助。
記得一些年初上堂的同學在上第一堂／第二堂既時候已經問我，佢地一早買落的ATM，該如何處理，粉絲們應知道我唔鍾意ATM好耐，都應該估到我叫早日分手，跟住專心學好方法，另覓異動股，但奈何好多朋友都覺得ATM已經好平，好平。唔捨得斬落去，以至資金鎖住，其他股做得再好，都事倍功半。
其實今日唔少人面對目前港股都抱着同樣心態，我視頻講左無值博率，大家對部份無表現的板塊個股應引刀成一快，但就唔知幾時做好，成日營住營住，唔落手佢就日日跌，一斬佢就大反彈，咁同上述處理ATM不是一樣嗎？結果QQ由六百幾跌到四百幾，尋日都要跌5%。
會唔會反彈？咁跌成咁，反彈都正常，但反彈幾時來，彈得幾高就無人知，不如搵個位先將無值博的減些，等真正反彈再減些，除笨有精，就像尋日失驚無神跌六百點，今日來個反彈屬正常，但如再陰燭跌穿，唔理佢彈唔彈，多少都要減些，跌穿24743，雖然明知佢反彈，等反彈到先前最高嗰幾bar再減些，輕裝上路，細注參與，訓練盤感，及為異動股方法做練習就算，等出到昨日所講幾個回復正常的信號才正常注碼，咁先可以撥亂反正，入番正循環！如果大跌從昨日起冇再出現，咁就哈利路亞，等彈返上去26500 先至算了。
士佳說 - 張士佳 舊文
本文作轉載及備份之用 來源 source: http://skycheung.weebly.com
