笑到最後｜納指年尾見17500點（高明）
笑到最後｜納指年尾見17500點（高明）
如果捱得過今浪跌勢，年尾相信又係另一浪升幅，以指數衡量，納指隨時破17500點。
讀唐牛講港股大奇跡日14周年，近日港股同美國科技股（不包括道指及標普）都出現調整，溫故知新成為一大趨勢。
美股、外匯、加
密貨幣免費即時報價，自選投資組合獲取相關新聞提示。
如果14年前港股出現大奇跡日，舊年美股就係大奇跡年，雖然牛市成日出現，但係好似2020年3月至2021年1月嗰種肯買、就贏；買得多、贏得多；大隊買乜、就買乜嘅市況，而且仲要維持成年，可能係歷來僅見，相反理論、眾人皆醉、現金為王，全部都變成廢話，甚至靠炒股發大達嘅股神畢菲特同芒格，都被稱為廢老，直至今年3月為止。
回顧舊年嘅瘋狂，3月底特朗普總統直接指導聯儲局減息同再次量化寬鬆只係個開端，事實上，3月至6月大家當時只係視之為見底反彈，只要股價及指數但到疫情前水平，升幅就會完結。
真正嘅瘋狂由舊年11月開始，傳統股包括百貨股、零售股、銀行股都出現見底反彈，同期納指以及高增長股派成績表後增長強勁，連續上升三個月。究竟呢度力係點嚟，一切就要由8月講起。
2020年8月，先後出現兩隻股份拆細，分別係蘋果（AAPL）以及Tesla（TSLA）。 本來拆細係會上升，但升得咁勁有佢嘅獨特背景：一、當時疫情仍然係封城，冇嘢可以做，正常成年人打發時間其中一個活動，就係賭錢。二、 美股本身係機構投資者嘅天下，一般散戶即使買股票，都係透過退休金去買，全民皆股嘅情況遠遠唔及香港；三、 偏偏時勢造英雄，大行其道嘅羅賓漢（HOOD），免傭、送股票，吸引大量美國散戶入場，亦製造後來Meme股嘅基礎。四、當時美國政府已經有派錢措施，喺屋企冇嘢做，無端端多咗筆錢，唔拎去賭勢係假。
未來兩月增長股轉靜
喺呢個情況之下，蘋果同埋Tesla本來已經係市場上邊炙手可熱嘅股票，拆細憧憬令散戶入場，而家唔買，拆細後更貴，迫使原本嘅機構投資者都要改喺拆細前買，同事散戶亦都唔會真係等到拆細先買，最後大家一齊買。
結果成個8月，蘋果同Tesla帶動之下，納指持續上升，連帶標普都受到牽引，因為當時已經憧憬Tesla會入標普。一路升到9月頭，兩隻股份終於實現拆細，股價開始露出疲態，更重要嘅係，當時講到Tesla會取代所有汽車，電池日吹到有咁大得咁大， 甚至有傳言Tesla會開電廠。
期望越大，失望越大，Tesla電池日最終只係四平八穩咁完結，股價由最高位大幅回落，幾次反彈乏力，一路持續約兩個月。經過儲力之後，11月破頂後股價飛天。
今年一樣有啲相似， Nvidia（NVDA）拆細， 8月19日Tesla AI日，並且遇上近期高增長股急速調整，本欄可以肯定，未來兩個月高增長股冇乜看頭，當然，今年預期比舊年低，升幅冇咁強勁，變相跌幅亦較平穩。如果捱得過今浪跌勢，年尾相信又係另一浪升幅，以指數衡量，納指隨時破17500點。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
