士佳說 - 張士佳 2021年9月13日
【#士佳說 】張士佳：捕捉個別 hit and run
【#士佳說 】張士佳：捕捉個別 hit and run
上週五港股指數不弱，反彈有4百幾點，主要是科網股一齊顯著反彈，因管理層有可能會放慢新網絡遊戲審批而不是停批。中美元首博弈，對話似出現進展，不過週末有傳出消息又話美國要對中國貿易的議題上施壓，同侵侵時代差唔多。
要知道周五人力資源和社會保障部等又召見平台大企，市場估計佢哋一定會宣布配合國家政策。我反而特別留意週五邊啲能夠大力反彈並升凸之前陰燭頂的，本身不但強勢，還比大市為強，當中包括有美團#3690從低位反彈計力度最佳；京東#9618就反彈得最穩；百度集團#9888動力亦漸漸地增強，仲有最近我上堂講千祈唔好再沽空的阿里巴巴#9988，碰到馬雲重出江湖收大陽燭，佢哋今日既表現極為重要，若果再能夠收陽燭，科技指數及大市應該吾會太差，有機會未反彈完，最好再觀察多一兩日。
上星期五上半奏，我們持有的金屬資源股，新能源及電力股發光發亮，我同學生傾，我會上晝就食，結果全部大部份做天線得得B，好在先食為敬，再觀察資金流動方向先再算。
近期資金開始換馬到不同板塊，其他股份也有不錯表現。我曾提及中資金融股開始見起色，呈現底部，中國銀保監會公佈，試點機構養老理財產品募集資金總規模在100億元人民幣以內，有利內險如#966中國太平最靚，#2601太保及#1336新華保險都唔錯，畢竟A股如此強勢参不多重回3700之上，挑戰年初高位只有一步之遙，有望穩定港股。
我今日屋企搬屋，全程無乜幫手，今日做樣都要執下野，唔寫咁多，不過估計都冇乜嘢炒，炒都應該炒另類，好似旅遊咁，中秋將近，跨省遊有序復甦，旅遊報名人次平穩上升，預訂跨省旅遊訂單量較8月增長3倍多。留意同程藝龍#780、攜程#9961美蘭空港#357亦受到較多關注。假期帶動消費，餐飲#6862海底撈及#2319蒙牛都有資金支持，週五比大市強，疫情好似不經不覺，大家麻木咗，放寬出處隔離在望，柬埔寨賭場突然發力，都似有聰明錢在跟。
現時以圖論股，靈活地堅持，小心注碼運用，捉緊資金流向互相輪動，反而更比較容易客觀地操作。大市有大市繼續反覆玩上落，我們有我們在感受市場節奏，捕捉個別優勢股份hit and run的機會！
士佳說 - 張士佳 舊文
本文作轉載及備份之用 來源 source: http://skycheung.weebly.com
