士佳說 - 張士佳 2021年9月17日
【#士佳說 】張士佳：對付愛滋
【#士佳說 】張士佳：對付愛滋
昨日指數再跌500點創今年新低，拖累市場的還是內房股物管，恆大債券停牌1日再嚴重打擊市場氣氛，仲有濠賭，火燒連環船，早早將個股投資比例，減至三成，仲有啲對沖，但咁樣跌法都一樣跌錢，不過都預咗。
資源股亦遭受監管壓力，要壓下動力電池的鋰鈷鎳等礦產價格，但除非你唔發展電動車，呢啲價格係國際價，你唔買就人哋買，需求無根本解決，只要新能源汽車銷售好，相信越壓調整之後，升得更高。可惜新能源汽車9月銷售數據比預期差，致使昨日超弱，跌到穿曬位無一倖免，我仲揸住吉利#175， 挨下先。
金屬資源都一樣，尤其是鋁銅，有國際價壓唔得幾多，開國家倉都係震壓一陣，始終都要同人搶。
科技股相對跌得少，昨日快手#1024同#9999都V彈返上嚟，原因係收市後有利好政策！內媒引述商務部指出，為促進線上消費健康發展，推動直播電商、社交電商等新業態新模式規範健康持續發展，引導企業運用大數據等技術，開展個性化定制、柔性化生產，培育更多「小而美」網絡品牌，實施生活服務數碼化賦能行動，加快促進生活服務業上線上雲。這會不會是支持科技股的開端？還有#9618京東仍然企在平均線之上，始終監管政策對京東影響相對其他ATMX最少。
個市下枝陽燭比較重要，希望能帶來反彈，但係如果下支洋燭都跌穿埋，咁就要唞吓，因為到時跌成咁，你揀嗰幾叻都係蝕少啲，但唔可以停手唔做功課，股市係咁好天斬埋落雨柴，落大雨時，就要諗定下次去邊個樹林斬柴，到好天先至行就太遲，咁去邊啲樹林呢？梗係避開多愛滋嘅地方，烤肉奧瞞科妓都好多愛滋，所以雞毛鴨血，愛滋避之則吉。
士佳說 - 張士佳 舊文
本文作轉載及備份之用 來源 source: http://skycheung.weebly.com
