士佳說 - 張士佳 2021年9月27日
【#士佳說 】張士佳：放人贈慶
【#士佳說 】張士佳：放人贈慶
港股上周五開市不足一個鐘，當炒板塊開始低走，如新能源，電力，資源股，賭股，越洗越低，只有科技股稍為頂住，但已變得好淡拉鋸，我們貨雖早已唔多，但板塊表現急速下滑，一様floating lost。市傳恒大未能如期交付境外美元債的利息，雖然還有一個月數期但未來的還是接踵而來，已足夠令市場擔憂。另外就是澳門又有本地確診個案，澳門的來港易亦即時煞停。週五的市況急跌，相信是這兩件事主導。
而週末的大新聞當然是國慶之前，孟晚舟獲釋返中國，中美關係好轉之門由此打開？但未見到港股場外期指反彈，唯有希望係炒家後知後覺吧。
碳中和以及新能源概念仍是在週期上升中，但大股的龍頭升幅已巨，市場不時開高就食，慢慢會形成阻力，見資金反而換落去較細的發電設備股；如水發興業能源#750，#2727 上海電氣及#3996中國能源建設都在推進分佈式光伏發電項目規模化建設。另外，環保唔係剩係得新能源，廢物處理同樣緊要，但暫時整到板塊唔見到資金炒，只得一隻市值20億嘅康達有啲走勢，望望先，不過都要個市跌定咗先，好似手上嘅康隆化成#3759及金界#3918，本來都冇乜點跌，週五都一樣走樣。
海航物流及港口股是週五的綠洲；目前國際航空運力緊缺，空運力供給仍較疫情前低，海航運加價，令兩季盈利都提高。波羅的海乾散貨指數十足倒轉嘅港股大市，反覆向上，走勢強勁，過去5日不斷創新高，今年升咗兩倍有多。留意9月13號，中、美同歐洲多國開咗個緊急會議，主題係打擊航運成本，有上堂嘅學生知道應對壞消息用咩方法，航運需求殷切尤其是年尾節日，導致運費持續上升，龍頭#316東方海外國際批完股都唔趺、#1919都唔錯，幾間大行睇好，目標價定到$30以上，有中資行預計佢第三季度業績大概超300億、招商局集團旗下#598中國外運，早幾個月落實發展長江經濟帶，會起個造價1億美元嘅運營總部，有港口、有航線、有櫃有倉；短線航運方面有#1308海豐國際，週五亦升得最靚。
另外，航運離不開港口業務及為客戶提供全球物流服務的協同效應，留意嘉里物流#636，如果陽突破19.87，咁就唔買都要睇吓。筆者雖然未有買，但有留意港口股#144招商局港口及#357美蘭空港，似乎不太受運費及航海事務所無影響，因為點都要有個港口收費有點似另類公用股，無論如何，海航運相關板塊都不斷有資金泊入推上。
有傳治療新冠病毒的口服藥有望最早在年內問世。美國兩家藥企默克同輝瑞正在各國用於輕症者，口服藥劑的最終階段在臨牀試驗。與現有點滴注射型的治療藥相比除了更容易用藥外，還易於量產，更能降低成本，新冠口服藥被期待平息疫情。故市場擔憂，口服新冠疫苗的亮世，注射劑或被淘汰。相關製藥股應聲下挫，開拓藥業-B#9939最為厲害，遭北水狠沽跌逾40%，收市仍要跌25%，此外，亦有指大跌同普克魯胺的3期臨床試驗結果不理想有關。實際上，開拓藥業關於普克魯胺的信息披露此前曾遭到過質疑。有專家曾表示，藥物從機制上看，普克魯胺與治療新冠病毒幾乎沒有關聯；而開拓藥業美國一位臨床試驗負責人也否認自己對該試驗知情，呢隻股先前有關注，雖然現在沒持有，但如果咁都唔再跌，遲啲可能會買返，但係唔跌嘅機會有幾多呢？與此同時，疫情葯股的資金投向常提及的醫療CRO及醫療器械股，表現暫時最好係#1801信達生物，#853微創醫療及#1789愛康醫療，今日將跟進。
另外，孟晚舟獲悉，但就應該有利做華為概念的 #354中國軟件，鴻蒙概念中軟係香港唯一的一隻。中軟週五已經有近5% 升幅，因鴻蒙OS 2用戶突破1.2億，有消息指中國軟件國際#354公布，與新大陸數字技合作，雙方開發用於金融智能終端的OpenHarmony操作系統，中軟股價仍在整固或未反映，再配合利好政治因素，今日應可以高開，如陽燭突破14.58，值得關注。
不過，整體市況來講，如果釋放孟晚舟，都唔能夠令個大市回升到24792 以上，咁即係恆大事件暫時個影響大太多，企穩在24792 前，都係小心啲好。
士佳說 - 張士佳 舊文
本文作轉載及備份之用 來源 source: http://skycheung.weebly.com
