士佳說 - 張士佳 2021年9月3日
【#士佳說 】張士佳：低風險股發圍
【#士佳說 】張士佳：低風險股發圍
尋日話「揸住強股捱住先，最多食些少，現階段梗係冇咁容易走啦」，好在有D信念，新能源股電力股調整後，昨天又再爆升，風電升到傻，20幾%，在政策及資金配合下，新能源發展迅速，仍然系今年最受市場歡迎及信任的板塊。
市底雖然弱，科技股明顯回順，帶動番起大市的氣氛。早前8月的慘淡後，最近10個交易日中，有7天是科技指數跑贏恒指，最新更是連續四日表現優於大市，是較為利好的跡象，但夜晚，內地傳來建設北京證券交易所的消息，目標是改革新三板為主，似是對港股不大影響。
可是畢竟僧多粥少，如設立後，資金會否分薄，還有背後的陰謀論真是不得而知，可能影響深遠，一直講緊中國股回歸對港交所有利，今日是否有變數，不多不少對港交所有點負面的挑戰，沽住佢嚟買內劵！？
除了新能源，基建相關板塊都有表現，亦是我上兩週到Sun Channel為大家分享的主題之一。市場的態度轉向低政策風險，而國家亦會扶持的板塊，加上一向都估值相對低，引來不少基金作為避風港。電力股亦一樣，所有電力股回勇：潤電#836再破頂和東方電氣#1072升近2成；華能#902、華電#1071都升1成%，市底唔好，低風險悶股起動，電力股維持強勢，唞一日又再升，小回大漲，似乎要逢回吐吸納。
抱住低風險悶股發圍呢個邏輯，基建三寶390/1186/1800， 回一回再升真係有得炒，始終內地計劃支持鐵路旅遊，全國不斷投放資源建鐵路，不但有利經濟，亦有助提升民生質素及營運效益，中交建#1800中期盈利按年大增88%達103億元人民幣，中國中車#1766受惠交通運輸部批准中高速磁懸浮車研製；另中鐵建#1186及中鐵#390繼續慢升。很明顯，下半年中央要搞大基礎建設鐵路投資力度。
真係嫌佢悶嘅話，吼下相關股：留意濰柴#2338、以及三一國際#631 中期純利同比增長約27%相信會好炒啲。
尋日講弱勢股，講溜咗saas，中國有贊我之前睇錯咗，最近有勢回升，蝕咗個橙，唔知可唔可以有返個吉；出名嘅弱勢股，仲有隻中信267，最近好似番左身；不過弱勢中嘅弱勢，應該係阿里系，大部份人而家都睇淡，甚至做淡，太過側埋一邊了，其實唔理健康還是影業，都冇乜受最近負面消息影響，玩呢啲除咗技術最緊要嘅係膽量。
士佳說 - 張士佳 舊文
本文作轉載及備份之用 來源 source: http://skycheung.weebly.com
