大茶飯│科網股V彈的啟示（青冰）
大茶飯│科網股V彈的啟示（青冰）
今星期的科網龍頭，的確有這個感覺，應跌唔跌，仲要買返上嚟。
周二港股經歷一個小奇蹟日，恒指先急跌四百點，然後從低位反彈768點，帶動指數回穩的就是ATM，今星期有很多不利消息，限打機啦，國資雲啦，林林種種，而每次出現這些消
息後，都會見到清一色看淡的分析，未開市已經覺得起碼要插5%。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
青冰一向用心聆聽及尊重市場，有些未浮面的好消息及壞消息，醒目資金絕對唔會事前同你講，只能從走勢中揣摩，用一個例子去說明，去年全球疫情最嚴重的時候，應該是3月開始，但股市亦都在3月見底，然後在一片利淡消息中慢慢爬升，青冰去年曾分析過，若果出現壞消息時股價不跌反升，有利好時又會跟住上，就要開始重新部署，諗嚇係咪見咗底。
強勢股或會走資
今星期的科網龍頭，的確有這個感覺，應跌唔跌，仲要買返上嚟，星期二V形反彈，北水仲有66億元淨流出，但在星期三已大幅減少至1億元流出，若說科網股已見底，似乎言之尚早，但係時候諗定往後的部署，為執倉作好準備。科網龍頭咁大隻，如資金將佢哋由underweight變返equalweight，其實都會吸走唔少市場資金，而最近幾個月強勢的股份，可能要迎接「走資」的挑戰，由於累積升幅巨大，資金要掟時不會手軟，有機會出現科網股升，指數升，但早前熱炒股回吐這個場面，星期三正有這現象，如果情況持續，即使你買唔落科網股，亦需減慢買入熱炒板塊的速度，往後可能再有平貨畀你撈。
以往指數升唔上又跌唔落，青冰個倉的表現就會最好，炒股不炒市，肯做功課揀靚股就掂，反而資金側重炒重磅指數股，個倉就會跑輸大市，所以今次真係要打醒十二精神，提防因資金換馬而受傷，更加要諗定後路，搵定有乜科網股可以炒一轉啦。
青冰
http://www.fb.com/chingbing888
本欄逢周五刊出
大茶飯 - 青冰 舊文
本文作轉載及備份之用 來源 source: http://hk.finance.yahoo.com
