士佳說 - 張士佳 2021年12月10日
【#士佳說 】張士佳：食糊頻頻
【#士佳說 】張士佳：食糊頻頻
上堂時先提到人民幣情況，人行就出手上調外匯存款準備金，即係唔想人民幣升值太快。中國的疫情控制得最好，貨幣政策寬鬆，再度降準預期，還有人民幣轉强。資本市場從來是尋找投資機遇及潛力的，近日外資趁美股調整續流入中國，北水資金也是日日買，中金#3908有8連陽，可見國內資金活躍程度。
尋日又一個豐收日，持股升到以為個市升八百點，但唔以為我哋會貪勝不知輸，我昨日同學生群組傾開自己嘅處理係咁嘅，「機前危，唔會太進取，食多於入，真係做到陽燭先再講」，結果尋日頻頻食糊，又唔係睇個市好淡，如果陽燭突破24333， 仲睇好D添，只係手上貨多，喺阻力位之前食下糊啫。
至於影響股市深切表現的內房問題；恆大宣佈了可能無法履行擔保責任，即將違約，等待被處理。似乎又落實了一個內房債問題，內房股續升，內房地產股或未必會再咁chok了，慢慢行出了趨勢。
昨日士佳說寫電是龍頭，結果電力股昨天繼續熾熱，幾乎所有有個電字的都升得好好，華潤電力#836，中國電力#2380，北水仍搶買入成交最多，同時亦帶起其他電力股，華電國際電力#1071、華能國際電力#902等追趕升幅。今日留意下全球最大的風電運營商龍源電力#916、有消息其有回A動作，似會炒高一浸。
新能源之中的中廣核新能源#1811突破升近10%，三連綠TE(軟件訊號)發力，然後輪到創維集團#751，低位大升。市場出消息創維回購股份，之後不斷拉升穿前阻力位。創維不僅轉型業務為光伏，主力農村戶用光伏市場。其家電業務收入也不錯的，仲話玩埋原宇宙；不過呢啲係長遠嘅睇法，買時學生都知道我只係博反彈，等真正突破就同佢揸長線。
之前Sun Channel有講到線上平台產業主題，在線民辦網紅教育，線上學科校外培訓等都得政策支持的，不過我講完，觀眾似乎冇乜興趣，因為好多投資者都俾國策兩個字框住，其實叫得國策，又點會咁容易比普通人估到。肯放時間喺圖表上，#1797 $4.92 已經係轉勢，尋日已經升到8.24。圖表行咗消息就出來，據消息，在線教育將有合法地規化，有14家在線教育機構「擬通過審批」，將獲得線上培訓辦學許可證。新東方#9901大升，新東方在線#1797，希望教育#1765再發力，恢復派息的思考樂教育#1769大升3成，炒股唔係得ATM 嘅，當日上堂我就同學生打倒，#1797 跑贏騰訊，結果贏一條街返嚟。
仲有蘋果產業鏈.....哎，寫到呢度先，尋日留返兩個主題比學生實戰學咗嘅嘢，即日已有表現，今日都留返些主題，繼續用實戰同佢哋溫故知新。
士佳說 - 張士佳 舊文
本文作轉載及備份之用 來源 source: http://skycheung.weebly.com
