士佳說 - 張士佳 2022年2月18日
【#士佳說 】張士佳：Part 2
【#士佳說 】張士佳：Part 2
正當環球憂慮俄烏地緣危機愈演愈烈之際，週二晚俄羅斯就話，一系列軍演習已經結束並撤離回營，俄烏危機將持續主導油價。近兩日石油股繼續反覆上落，中石油#857低開後大陽燭高收，中海油#883也反彈了部分跌幅，但近期經常在高位急回，如果仗打不起來，炒得咁狠的油氣自然就要調整，戰報在尾聲，怕會急落一浸，傾向有高位就食，落去支持先買番。
現在市場傾向鋁，尤其是已關注的俄鋁#486，尋日大升5%，不但上年第四季度鋁銷售量造好，俄鋁是世界上最大的鋁生產商之一，市場同時緩解了俄烏緊張局勢，俄羅斯鋁業未被制裁。加上基建地產回暖預期帶動銅鋁，中國鋁業#2600，中國宏橋#1378，江西銅#358等就算升得多，我自己就食咗中國鋁業先，留俄鋁。
基建及建材板塊都反覆向上，新年後都在加快新型基礎設施等建設動工，基建股再起，中國交建#1800近日發債20億元人民幣補充流動資金，中國鐵建#1186，中國中鐵#390，都在慢火煎魚。亦可留意中國中冶#1618，走勢不錯。
隨着通脹及需求令致煤炭價格的高居不下，火電企業因燃煤成本高企，很難造得好。市場亦吾睇好，狂沽。華潤電力#836，績後四連跌，而且仲計劃在港分拆可再生能源部門上市，咁華潤電力的原本價值就會被分割，變得吸引力下降。拖累其他電力股華能國際#902及中國電力#2380不但吾炒仲要被狠沽，炒家唯有跟走。
中央要把穩控疫情作為當前壓倒一切的任務。疫情復甦概念大消費當前，當中包括濠賭股、機場及航空板塊、酒店股等等，市場憧憬日後疫情解決，通關機會增加。之前話咗賭收已經差到冇可再差，大行預測本月澳門博彩收入將是自去年5月以來最強勁的賭收月份，銀河#27、金沙中國#1928尋日急升5-6%，低位已有貨的等出賭收前食啲。
仲有市場期待兩會前後有降稅減費措施出台，進一步推動內需股回升。首當其衝受惠是啤酒類，青島啤酒#168、華潤啤酒#291、 百威亞太#1876等 ，餐飲類可以睇下隻九毛九#9922，圖表亦正在復甦，但未肯定，好鍾意呢類股嘅可以買啲先。
地緣危機紓緩了一下，股市焦點又會回到通脹及加息之上。中銀香港#2388，中國平安#2318立即反彈強勁，始於加息週期將近加快，市場都吼實低位去買。
內地政策風險有望釋出放鬆態度，近日無論是中概股及ATMX抗跌力卻增強，似揾底橫行，阿里巴巴#9988及快手-W#1024為新經濟當中偏強。
港股反彈後或又再上落，要等一支大陽燭升穿25057點先會再好，現在呢啲位唔湯唔水，唔突破就食些先，靜候低撈入市機會。
士佳說 - 張士佳 舊文
本文作轉載及備份之用 來源 source: http://skycheung.weebly.com
