魚樂無窮│尋找下隻喪炒目標（唐牛）
魚樂無窮│尋找下隻喪炒目標（唐牛）
大市悶局，細價股仍然有甘露。
天口悶熱，港股更悶熱。大市成交已維持在1,000億以下一段日子，最精采一刻往往在開市首小時出現，然後就橫行待變，最離譜係下午市，恒指夠膽死100點波幅內磨到完場，炒鬼都冇佢符。
美股、
外匯、加密貨幣免費即時報價，自選投資組合獲取相關新聞提示。
當然，大市悶局，細價股仍然有甘露，繼太陽城孖寶（太陽城集團（1383） 凱升（102））後，資金又轉戰億和（838）及鴻騰精密（6088），前者其實都唔知炒乜，可能係Tesla業績靚仔（但早在業績前已開炒），後者則為盈喜股，理據相對充份。
留意近排嘅pattern，就係熱炒股永遠熱炒，你諗住買周邊嘅股份博追落後，sorry，佢哋永遠都只有落後的份兒，叫你衝入場買熱炒股咩？你又驚高追揩嘢，所以點解十個有九個半都話港股難炒，不無原因。
大行予首程目標價2元
今日畀隻有潛質做熱炒股嘅佳麗畀大家——首程控股（697）。上星期二大棍炒上，單日升幅最多達25%。事緣商務部等17部門月初發佈《關於搞活汽車流通 擴大汽車消費若幹措施的通知》提出，積極支持充電設施建設，加快推進居住社區、停車場、加油站、高速公路服務區、客貨運樞紐等充電設施建設，引導充電樁運營企業適當下調充電服務費。國元國際表示，首程的停車服務業務有望受惠於經營停車場車位數量增長、充電等附加服務體量增加等，故給予買入評級，目標價2元。
與此同時，根據SDI數據顯示，主席趙天暘及董事徐量近期亦出手增持股份，作價介乎1.13至1.28元，最高價與昨日收市價相若。從圖表出發，大棍後連日整固，昨日再升3%，創近日收市新高，賭資金搵佢做喪炒目標，謹記用1.15元做止蝕，跌穿要撇。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
