【天下第一倉】高山行：隨時三級跳
天下第一倉
日期：2022-07-26
更新時間：08:57:30
天立國際(1773.HK)呢隻股份夠曬好玩，近個月以來已有兩度單日跳升過倍及幾成前科，近日成交又異增，睇來又有機會來第個三綴大騰跳，最合炒鬼胃口。
1773主事中國中西部幼兒園至高中
學校，近期有三單正面消息入市，包括主席兼行政總裁羅實真金白銀在公開市場購入共500萬股，每股平均價1.032元，增持後，持股增至41.64%！家陣股價只1.1元，齊齊入場有著數。
其次係上月已由前稱天立教育改名為天立國際控股，意味規模望進一步壯大; 其三係業績表現轉佳，2月結中期賺3,108萬元人仔，對比上財年大蝕13億幾，唔可以話唔係大進步。
再睇2018年以每股2. 66元招售5億新股上市，上市時又引入景林資產管理、華僑城(3366.HK)旗下華昌國際、及惠理(0806.HK) 為基礎投資者，其後後更行使超額配發權發多7,500萬新股，顯示貨源緊吃。
近年內地出生率有所上升，增長速度亦快，而定位二、三線城市的富裕家庭，則有自低切入優勢，未來增長重點在版圖擴張，而非學費加幅，對保持長期增長提供重要基礎，圖表走勢好興單日急彈力漸減，話唔定好快有第三次，博下有著數。
高山行
天下第一倉 - 高山行 舊文
本文作轉載及備份之用 來源 source: http://hksmedia.com
