【天下第一倉】高山行：最緊要好炒
天下第一倉
日期：2022-09-01
更新時間：08:00:00
股仔仍係不斷有貨賣，其中耐唔耐都開劑勁嘅淩銳控股(0784.HK)，就突然間起炒，並創3年新高，睇勢又係大時代。
大時代絕對有根據，昨日就有一定啟示，全日成交暢旺快跳，成交2,527萬
股，最高見0.265元，雖則收0.193元，全日平均價達0.228元，所以合曬上車時刻。，
最新刺激係3月結財年成功轉盈，賺224萬元，但呢隻股勝在係殼味濃烈，仲有一段喪炒史，話說其於2017年底以每股0.5元招股上市，幾個月後炒上0.85元，再於2019年底大發神威，最高扯過上3.07元，之後無以為繼，結果到一毛幾水平才見底。
其他異動元素亦有，事關在去年7月，主席李劍明以每股0.143元將7,000萬股、佔權8.75%股份轉售予淩志輝，李劍明持權由66.61%減至57.86%，事實上，集團業務簡單到唔恨，主事提供地基工程（包括挖掘及側向承托工程、樁帽工程及打樁建造）、地盤平整工程及其他配套（如私營部門地基項目的公路及渠務工程）的香港總承建商服務。前景仍充滿挑戰，只好作為分包商將自身定位，就私營部門的適宜項目進行投標，換言之，業務簡單到可以隨時賣盤。所以話佢殼味濃，就係呢個原因。
大股東雖則將部份股份轉售予另一人，但三大股東持股仍共74%，市值只億幾銀，貨源供求一直都有利炒作，以現價0.193元比較上市價、轉售價及走勢數據，每樣都係鮮甜，唔駛理太多，有炒味最緊要，小炒又何妨。
高山行
天下第一倉 - 高山行 舊文
本文作轉載及備份之用 來源 source: http://hksmedia.com
