關志康 - 離港體檢另有原因 | 神耆商機
「去日本大阪食和牛順道做體檢，平靚正，呢啲先係退休人士嘅『深度遊』！」幾位退休馬主在馬會焗桑拿，談起流行的「醫療旅遊」。剛剛去完東京的朋友補充道：「上個月去驗身，包兩日溫泉酒店，匯率又平，點計都平過香港。」
另一位馬主不敢苟同：「香
港醫療水平屬世界一流，仲要去外國做體檢？為咗慳少少錢，其實唔值得。體檢始終有壓力，有部分又要空腹，總係會心掛掛。上次我為了留大便樣本，搞到便秘，真係『盞搞』！」另一位老人家認同：「體檢所費無幾，唔應該慳，睇醫生最緊要大家『同聲同氣』，唔使『雞同鴨講』。『拺住』、『翳住』呢啲術語，就算係專業翻譯都未必講得準確。」
事實上，除了外國，到內地體檢也蔚然成風。在現時經濟環境下，大家都比較節儉，內地體檢收費變得有很大的競爭力，加上手機預約方便，亦毋須久候，出報告又快。因此，內地無疑是香港醫療以外的另一個熱門選擇。有精打細算的長者分享：「內地和香港有時都係用同一牌子的同一部機，分分鐘內地所用的可能仲新啲。你擔心的話，大可以拎咗份報告，回來再睇香港醫生，都已經慳返唔少。」
一個已退隱的保險大亨解密：「好多有錢佬去外國做體檢，你估真係貪平咩？香港圈子細，有秘密但冇絕對嘅秘密。病情傳出去，下屆『政協』或者區議會可能就要你『讓路』。而且保險公司因為核保和理賠人手有限，通常『取易不取難』。若醫療記錄遠在外地，反而在香港『乾乾淨淨』，投保冇囉嗦，『博懵』也比較容易，這才是精髓。」
健康教育基金會主席
關志康
神耆商機 - 關志康 舊文
本文作轉載及備份之用 來源 source: http://www.stheadline.com
