中環在線：詹培忠爆料李福兆胃癌消瘦 - 李華華
股壇教父李福兆因癌消瘦
股壇教父李福兆長居泰國近19年，前晚專程回港出席證券商協會33周年晚宴，雖然佢腳步穩健，但明顯老態畢露，望落亦比三年前佢回港出席同一活動消瘦。成晚陪伴在側?前立法會議員詹培忠爆料，話李福兆半年前證實患上胃癌，手術後胃口大減，因而消瘦。
切?三分二個胃
老詹爆料，李福兆半年前做身體檢查時，證實患上胃癌，隨即在港進行手術，切除三分二個胃，得番三分一個胃，加上佢已經係一位84歲?老人家，冇乜食慾，所以𠵱家望落去比以前消瘦，講話亦好似中氣不足。
難怪人稱「校長」?李福兆前晚7時現身，被在場大班記者圍住答?一、兩條問題，老詹即刻護駕，陪佢入席，期間冇乜人走埋去打擾，佢老人家食?幾道菜，未夠9點就靜悄悄由兒子李國麟陪伴離開，回家休息。
2010年李福兆特登回港出席證券商協會30周年晚宴時，仲談笑風生，同老詹上台表演一場棟篤笑，老詹問佢係咪真係6歲識炒股，佢打趣話「自己唔係炒股，而係燉股票，最多只係乾水，咁先唔會?」，輕輕一句已經睇得出校長為人幾咁幽默。
股民一定識得李福兆，佢係聯交所前主席，87年股災，就係佢宣佈停市四日，股市重開跌到七個一皮，佢被人鬧到飛起。88年佢被廉署拘捕，90年被判入獄4年，93年提早出獄，翌年離港長居泰國。
李華華
mailto:LiWaWa@AppleDaily.com
■李福兆𠵱家同3年前(左圖)對比，確實蒼老?好多，希望佢保重身體。
新game出爐 ∼ 快?試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/
上一則: 樂香園：炒零售股見底仍太早 - 密西比
下一則: 中環在線：梁粉又搞大派對 - 李華華
中環在線 - 李華華 舊文
