中環在線：連利多帶挈拉頭馬黃志祥父女?彩 - 李華華
■黃志祥(左一)愛女黃敏華(右一)隻愛駒連利多夠生性，令父女倆拉頭馬時笑逐顏開。譚日華攝
信置(083)主席黃志祥同子女黃永光、敏華、敏儀、敏音雖然都係馬主，但今季好少見佢?入馬場，噚日黃志祥同阿女黃敏華竟然罕有地齊齊現身，為阿女隻馬「連利多」打氣，連利多即刻識做跑出，畀佢兩父女一齊拉頭馬。
親挑良駒畀愛女
黃志祥同仔女?馬，主要叫「乜」利多，呢個「利多系」好易認。阿女黃敏華呢隻連利多相當厲害，今年初首度出賽已經跑出，計埋噚日已經贏?三場，原本呢隻馬被安排參加上月打?大賽，點知賽前因腳傷而冇得跑，噚日好似補番數咁。
就連黃志祥都話「我對隻馬好，隻馬咪對番我好囉(意指跑贏)」。雖然隻馬咁叻叻，年初至今贏?幾場，黃志祥開心得?，保持一貫冷靜作風，冇表現風騷，只係簡單咁話「希望隻馬健康正常，贏多?。」黃敏華曾經講過，連利多係黃志祥親自揀，難怪咁愛錫。
■黃志祥兒子黃永光係信置執董，噚日並冇現身馬場。
■夏佳理唔撐港交所挑戰盃場。
港交所盃夏佳理唔現身
除?黃志祥，幾位港交所(388)董事噚日亦聚首馬場，事關第9場係「港交所挑戰盃」。奇怪?係，前主席夏佳理兩隻馬「君河」跑第6場，「赤膽」跑第7場，佢明明在場為愛駒打氣，雖則兩隻馬都跑尾四，但夏佳理見慣大場面，無理由一走了之。
到第9場港交所盃，真係唔見佢，沙圈都見佢唔到，只見主席周松崗同行政總裁李小加影相。港交所下周三先開股東會，夏佳理到時先至正式退任董事，唔使咁早分得咁開?！？
李華華
mailto:LiWaWa@AppleDaily.com
上一則: 環球透視：日本隨時贏粒糖輸間廠 - 李大同
下一則: 中環在線：陳家強晤伯南克差?甩底 - 李華華
中環在線 - 李華華 舊文
