中環在線：黃志祥父子捧場愛駒唔爭氣 - 李華華
■黃志祥同阿仔黃永光齊齊現身馬場，但隻馬唔聽話，冇得威威。
信和置業(083)主席黃志祥呢排頻頻陪仔女出入馬場，噚日佢阿仔黃永光隻新馬「萬利多」第一次出賽，見佢兩父子齊現身，為隻馬打氣，可惜萬利多唔多爭氣，竟然跑包尾。不過跑馬就係咁，冇話贏硬，信置走去投地，都唔係次次投到啦。
黃志祥同幾名仔女都係馬主，主要叫「乜」利多，呢個利多系好易認，阿女黃敏華有隻「連利多」，今年跑三場贏三場，相當厲害。黃永光呢隻萬利多4歲，舊年來港，操?幾個月，噚日首度出賽，跑第五場，同場仲有華人置業(127)主席劉鑾雄女友呂麗君隻「替天行道」，跑第四。
黃永光之前養過厚利多、永利多同勝利多，贏過，但唔算出眾。但養馬對黃志祥一家，應該都係興趣為主，黃志祥今季都好少入馬場，只係呢排先頻頻現身，陪仔女支持愛駒，順便家庭樂。
上一則: 永利老闆前妻入稟逼賣股套現夫妻檔又搞一鑊泡 - 李華華
下一則: 中環在線：復星掟19億搞扮靚生意 - 李華華
中環在線 - 李華華 舊文
