逢低就吸
2013/5/7 上午 09:17:13
網誌分類: 經濟
美股高位牛皮，周一杜指略為回順，收市微跌5點，造14969點，標普500指數則再創歷史最高收市紀錄，收1618點，漲3點。分析師指出，大市繼續向上的原因係投資者轉追比較落後的科技股及能源股，支撐住大市。
美股日日創新高，市場的熱門話題，當然係後市點睇啦。有部份投資者又真係幾痛苦，睇住大市係咁升，自己就食唔到任何甜頭。BTIG公司首席全球策略師格林豪斯(Dan Greenhaus) 就呻話，過去兩個月他們對市場的態度過於謹慎，隨?市場不斷攀升，錯失良機，沒有獲得什麼回報，實在「令人痛苦」。不過他仍然認為，標普500指數、羅素2000小型股指數以及納斯達克綜合指數漲速過快，而通常此時是股市表現相對疲軟的時期，因此BTIG「還不準備放棄目前的立場。」
而IG Market首席市場策略師維斯頓(Chris Weston) 睇法剛好相反，他認為現在最好不要和市場對?幹。隨?法國CAC、德國DAX與美國標普500指數均創造了歷史新高，看起來市場已經重獲活力。維斯頓表示，他之所以繼續看後市，係因為市場上仍有很質疑者，從技術角度來看，沽空很困難，也沒有回報。
高盛集團就介乎好淡兩者之間。認為標普500指數正處在公平價值附近，估計未來6個月該指數將為1575點(現價1618點)，而2013年底又會升番上1625點，之間只有約3%的波幅。高盛比較睇好防禦性板塊，因為現時這些股份估值正處於15年來最低水平，好有可能超越大盤。
至於最有份量的股神又點睇？CNBC的昨日訪問巴菲特對後市睇法。股神話美股現價比較幾年前的確已不便宜，但他認為價格仍只處於合理水平(reasonably priced)，並非荒謬的高(ridiculously high)。
股神話美國經濟這四年來沒有重大改變，仍然在逐步改善，只係步伐比較慢，市場需求正緩慢地復甦，房地產已見到較強的改善。他預期，長期而言，美國股市仍將「大幅上漲」，大市短暫會回順，正好視為入市買平貨的時機。他提議投資者應該視杜指15000點為一個里程碑，跌低過這個位置，可以趁低買進。至於15000點係唔係好高呢？他笑言當年杜指升上100點，市場已經覺得大市已經升到好關鍵位置啦，其後升至1000點，市場感覺都係一樣！他警告投資者不要太過關注市場的短期走勢。股神呢個「逢低就吸」的建議，其實相當睇好，暗示即使美股回吐，都唔會回得去邊。
上周，「債券大王」格羅斯話現時仍然可以投資的就只有國債。而股神卻認為現時最差勁的投資(terrible investment)就係債券。原因係聯儲局的大規模買債措施，已將債券價格「人為地」推高了，當利率無可避免地回升，投資債券者將損失慘重，他說不知道利息幾時會升，但肯定最終都會向上。
我比較同情債王，因為股神對債券的分析是宏觀分析，睇長線價值，但債王營運緊全球最大的債券基金，每日都要睇業績，佢在2009年就係抱持股神同一觀點，長線睇淡美債，點知聯儲局日日咁買美債，人為幹預，搞到債價日日升，債王後來被逼轉?恁A短線睇好，結果「短線」睇好?鰲X年，基金表現亦理想。這又回到基本道理，長線投資要買得平，短炒要順勢。正如股神唔睇好黃金，黃金升佢走?鷘?A但只要佢買的鐵路公司買得夠平，佢一樣賺大錢，總之各師各法啦。
陸羽仁
回應(5) 我想回應
陸羽仁 BLOG 舊文
