中環在線：公司規定never say no國泰空姐絕招避「抄牌」 - 李華華
■王韻琪(右二)被乘客「抄牌」，會以退為進；左一為廖士亮。
國泰航空(293)獲國際航空顧問公司Skytrax，首度頒發「全球最佳機艙服務員」大獎，開心到不得了，暫時忘記?全球最佳航空公司排名由第四跌落第六。
CEO史樂山噚日同一班空中服務員慶祝，講到服務心得，原來國泰規定空服員唔可以對乘客say no。
做得服務行業，對住顧客永冇say no應該都係大原則，之但係，空姐多數係靚女，隨時遇到男乘客問?電話(抄牌)，對方未必一定似李察基爾咁俊朗，或者屬於郭富城呢類鑽石王老五。投資銀行界就盛傳，某歐資投行?賓架，出差時好鍾意問空姐?電話，仲將「我係高層」掛?口邊。
■國泰CEO史樂山噚日與眾同樂，仲鬼馬地用趣緻相框留影。黃永俊攝
空少殷勤感動老伯流淚
唔係自己杯茶又唔可以say no，咁可以點做呢？曾經參與拍攝國泰電視廣告?星級空姐王韻琪話，工作時唔可以say no，遇上呢種情況，會反問對方?聯絡方法，搵唔搵番對方就自己決定喇。
除?冇say no，空服員亦要乜都肯做。來自台灣?空少廖士亮分享話，曾經遇到一名飛去美國探親?老伯伯，由於行動不便，入唔到洗手間剃鬚，佢見伯伯因此非常唔開心，於是主動提議幫佢抹臉同剃鬚，呢位客人最後感動到喊，令佢印象深刻。
Skytrax呢個調查有1,800萬名、來自160多個國家?旅客參與，雖然國泰贏得獎項，但CEO史樂山就好掃興咁話，員工贏獎已經好開心，冇考慮派獎金畀同事喎。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 國策解碼：一場鬥快收水的競賽
下一則: 中環在線：破紀錄恒生今年請逾70名MT - 李華華
中環在線 - 李華華 舊文
