中環在線：貴過嘉麟樓奶黃月四成福臨門$680盒 - 李華華
大劉飯堂月餅680蚊KO嘉麟樓
「富豪飯堂」福臨門一盒蛋黃蓮蓉月餅要680元，除?哇哇聲，都係哇哇聲！
福臨門月餅一向賣得矜貴，熟客先有份，今年就正式公開發售，兩款4個同6個一盒?蓮蓉月餅分別賣680元，平均要170元同113元一個，溢價相當高，仲貴過半島酒店嘉麟樓奶黃月餅40%。
■福臨門蛋黃蓮蓉月餅一盒四個，平均$170個。
新推「福臨門尚品」
福臨門舊年平均每個月餅都賣120元，已經唔係平。福臨門今年初解決股權糾紛後，由「五哥」徐沛鈞接掌港九福臨門，五哥兒子徐德強隨即大搞，除?想借殼華人飲食(8272)上市，又投資廠房做包裝食品。
為區分堂食同包裝業務，福臨門亦整個新?「福臨門尚品」食品品牌，月餅係頭炮。落重本投資廠房，搵師傅人手製造，再加上包裝精美，售價當然要反映出來，所以兩款月餅咪要賣680元一盒囉。
不過咁，兩、三個人去福臨門食晏，普普通通都要成千蚊落樓，幾百蚊對於「富豪飯堂」?食客又算得係乜呢？何況近年一街都係揮金如土?自由人，識得買福臨門月餅送禮自奉，可能仲顯得有品味。
否則，嘉麟樓奶黃月餅今年加價九成，賣485元，都唔會網上銷售三日亦反應奇佳啦。所以話，香港地，貧富懸殊幾嚴重！
李華華
mailto:LiWaWa@AppleDaily.com
倪匡、蔡瀾同肥佬黎約埋一齊《亂?24》，你睇?未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24
上一則: Caixa派定心丸無意沽東亞
下一則: 中環在線：聯想楊總被寸沽貨準 - 李華華
中環在線 - 李華華 舊文
