降級無跌市
2013/7/10 上午 09:17:39
網誌分類: 經濟
國基會(IMF) 昨日下調美國及全球經濟增長預期。今年美國經濟增長的預期從4月份的1.9%下調至1.7%，明年由3%下調為2.7%；全球經濟增長預期則由3.3%降至3.1%，與2012年持平。主要原因是聯儲局將退出購買國債計劃，將導致資金反向流動、長期利率攀升，對新興市場的傷害最大。幾個主要的新興市場經濟增長將減速，另外，歐元區經濟亦唔係好掂，衰退仍在繼續。
歐洲又開始有少少?I味，評級機構標準普爾將意大利的長期主權信用評級從「BBB+」下調至」「BBB」，離垃圾級別只有兩級。降完級後評級前景仍然維持在「負面」，即係話，唔排除仍會進一步降級的可能。此外，標普還將意大利今年的GDP預期從此前的收縮1.4%下調至收縮1.9%。
標普表示，意大利過去10年，政府預算大部份時間都出現盈餘，但由於資本及勞務徵稅遠高於物業及消費稅，令意大利的勞動成本高過其他歐元區國家，削弱了競爭力，拖慢了經濟增長。意大利係歐元區繼德國及法國之後的第三大經濟體，但債務沉重，負債係國家全年生產總值的127%，比例僅次於希臘。
另有分析指出意大利經濟能夠有增長，債務仍然可以頂得住，不過，估計今年意大利經濟將收縮1.5%(比標普估的收縮1.9%好)，明年才能回復正數，但亦只有0.5%增長，預計債務與GDP的比率有增無減，雪上加霜的是，信用評級不斷被降，政府融資的成本愈來愈高。
股市升開有條路，唔係咁受消息左右，IMF調低美國及全球經濟增長，意大利遭降級，但無阻歐美股市升勢，要搵原因可以包括歐洲央行批准了希臘一筆救援資金，緩解了市場對歐債的憂慮外，更重要的係美企的盈利預期管理成功令投資者對業界財報抱有期望，穩住市場氣氛。歐洲三大股市造好，英國及德國漲約1%，法國升0.5%，美股連續第四日向上，杜指漲76點，收15300點，標普500指數升12點，造1652點。
美鋁打響財報頭炮，盈利好過預期，為市場「帶來」驚喜，讓投資者們覺得美企第二季財報整體狀況可能還不錯。我相信驚喜將陸逐有來，因為分析師大幅降低公司盈利預期至平均2.9%，遠遠低於年初的8.3%！
其實這一兩季美企業績都差不多係咁，公司營業額只是持平，而盈利只有低單位數增長，主要是節流所致，講好真係唔算好。美股交易員估計本季都係咁，係一個平淡的季度，但又不至有災難性的後果。湯臣路透/標普資本估計標普500指數公司本季盈利升2.9%。按過去幾年的經驗，當季的實際盈利增長數字比季初估計會高3%左右，所以本季公司盈利會有5.9%(季初估計的2.9%加3%)。標普資本指過去15年美企平均季度盈利增長係8%，5.9%這個數字不難做到。
經濟數據表明企業盈利無理由會靚仔，但美企高層向分析員吹風，大幅降低他們對公司季度盈利預期，最後就會見到令人「驚喜」的成績表，大家都玩慣呢個遊戲。既然預期不高，美股交易員認為呢季盈利「唔會有大問題喎」。
陸羽仁
回應(4) 我想回應
陸羽仁 BLOG 舊文
