中環在線：林偉中接任行長恒生中國一姐部署半退休 - 李華華
■薛關燕萍笑言當年生完仔就調去中國業務部，仔仔現在都31歲喇。
恒生銀行(011)又有一姐退休？恒生(中國)一姐──副董事長兼行長薛關燕萍(多姐)，上周四將行長一職交畀副手林偉中，多姐只做副董事長，並由恒生非執董，轉做執董兼中國業務主管。據聞有關安排，係部署讓伊人過半退休生活，將來可能以合約顧問形式再服務銀行一段時間。
■新行長林偉中舊年初加盟恒生(中國)，但88年已入?豐，都係老臣子。
自嘲「超齡」拒延任
多姐61歲，年初獲行方邀請延任，佢噚日笑說自己心境永遠年輕，但畢竟已「超?齡(退休)」。佢又話，好鍾意?呢間銀行度做，欣賞團隊精神，一直抱住享受?心態工作，仲引述恒生前大班柯清輝金句：「盡?力就冇壓力。」
佢又話，即使退休，亦唔會hea，識得境隨心轉，將來一定做有意義?服務回饋社會。
多姐1976年加入匯豐，2005年底轉投恒生，2009年出掌恒生(中國)，佢打趣話，賓架生涯捱?37年。佢憶述，1982年?匯豐工作時，剛生完仔就調去中國業務部，一晃眼仔仔都31歲，內地市場亦以驚人速度發展。恒生公佈，截至今年底止，多姐固定年薪係420萬，金額與之前擔任恒生(中國)副董事長兼行長相同。根據2012年報，包埋花紅，佢舊年總年薪857.9萬。
至於新行長林偉中，雖然舊年初先加盟恒生(中國)，但佢1988年已入匯豐，曾任匯豐(中國)環球銀行中國區常務總監，都係老臣子。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 大唐盼煤價降電價穩
下一則: 中環在線：環團踩入業績會神華高層拉隊閃 - 李華華
中環在線 - 李華華 舊文
