中環在線：李小加急覓LME新CEO紅褲子vs外援 - 李華華
■李小加(右)錫LME錫到?，可惜留唔住目前?CEO艾博賢。
港交所(388)CEO李小加舊年豪擲過百億元收購倫敦金屬交易所(LME)，可惜留唔住LME位CEO艾博賢(Martin Abbott)，對方早兩個月話唔撈，搞到李小加忙住物色接任人，好似話已有兩人跑出，分別係LME副行政總裁Diarmuid O"Hegarty，同埋紐約泛歐交易所衍生產品部前阿頭Garry Jones。
艾博賢今年6月突然宣佈拜拜，只會留任到年底幫手過渡，當時港交所講明，接班人可能由內部提升，同時亦會考慮?外邊請人。
黑氣纏身小加頭痕
外電《彭博》噚日就話已經有3名人選，其中兩人就係O"Hegarty同Jones。律師出身?O"Hegarty係LME老臣子，1998年加入公司，由中層升做法務董事，再爬上現職副行政總裁，可以話係典型紅褲子出身。
Jones亦大有來頭，佢之前係紐約泛歐交易所衍生產品部CEO，不過集團舊年進行架構重組，佢6月被裁。
李小加錫LME錫到?已經唔係秘密，早排先大費周章在港搞LME亞洲年會，諗住加強宣傳，兼同行家聯誼。不過，LME最近似乎黑氣纏身，繼CEO劈炮後，又?美國佛羅里達州同東密歇根州俾人控告操控鋁價。
雖然李小加呢次應該多數請西人，但唔知佢搵人?陣，會唔會都夾埋人?時辰八字呢？
李華華
mailto:LiWaWa@AppleDaily.com
講電影變講國情，阿澤彭導最後一星期做嘉賓，
未睇？即上《亂?24》重溫！
http://bit.ly/appletalk24
上一則: 中移跑贏騰訊小心藍燈籠
下一則: 中環在線：神情肅穆巡尖沙嘴沈嘉偉好憂愁 - 李華華
中環在線 - 李華華 舊文
