債市轉角
2013/8/19 上午 09:32:10
網誌分類: 經濟
「美國聯儲局何時開始退市」呢個問題已經纏繞住美股一段日子，隨住好過預期的美國經濟數據不斷出爐，令市場相信聯儲局提早在9月啟動退市計劃的機會愈來會大，債市率先作出反應，價格急跌，債息急升，美國10年期國債息上周五最4高升上2.86厘的兩年多新高，後收報2.82厘，仍在高位。
如果國債收益率上漲的原因是經濟狀況好轉所致，其本質對股市係利好，即使聯儲減放水都頂得順。不過，若債息上升的原因係純為聯儲局收水，又碰正美股已經升到咁高，已經去到需要大幅調整的水平，債息抽升對股市就唔係好事，因為經濟本身的力度已經有限，再收水唔知頂唔頂得順，長遠亦會影響企業盈利。
從債市下跌、債息急升的時間上來說，顯然是由5月傳出聯儲局可能在今年下旬收水開始，即係話怕聯儲局減少買債的情緒一出現，債價就會急跌，人人搶先沽債，才令債價崩潰，債息急升。而債價下跌後出人意料地無反彈，先至得人驚。手上?重國債的債王格羅斯在6月債息急升到2.6厘水平時，曾預言債息好快會回落到2厘，明年再上，其實就係預?鰶驍蠾酗@個超跌反彈，但反彈一直無出現，債王亦大跌眼鏡。
事後孔明咁去講，金融海嘯後的債券大牛市，99%由聯儲局導演，當時長債無人吼，長息高踞不下，聯儲局連續QE，到出QE3更是無限放水，每月買債850億美元，其中450億係買國債，即係每年買5400億億，呢個係新增數目，買到經濟好為止。美國每年發債13000億美元，聯儲局在QE3底下每年印錢買了5400億國債，等如買?籜span lang="EN-US">42%國債，佢主要買長債，差不多等如掃?髐j部份美國政府發的長債，美國印銀紙借錢俾自己，都幾妙。大家唔好忘記美國發行的國債總數去到16.9萬億，地方債37000億，本來唔易去貨，只不過由聯儲局印錢去夾硬掃貨，掃高債價，插低債息，人為造出長債超級大牛市，亦解釋?鷘I解聯儲局一話減放水債價就急回，而且唔肯反彈。好多人都認為即使國債泡沫唔爆破，都係一個大牛市的轉角，真係唔走就老襯，雖然現在人逼逼沽貨或者會沽平?驉A但錯過?鬙i能無位走。
結果係債市對減放水的反應大，股市初步反應細，但小心利息上升的陰霾慢慢會影響埋股市。股市恐懼指標VIX指數從周二的12.3升至周五時的14.7上方，反映市場對退市的憂慮正在升溫，美股亦連跌三日，杜指累跌超過300點。杜指上周五收報15082點，係超過一年以來新低，全周跌2.2%，標普亦跌了2.1%，係今年的最大單周跌幅，亦係連續第二周下跌。
好多分析員此前估計聯儲局最快會在下個月宣布正式減少買債。不過，亦有分析員指最近見到美國10年期債息升得又急又勁，有點超乎想象，債息升得咁高，可能會令聯儲局窒一窒步。下個月退市的機會變成五五波。一年一度的聯儲局年會將於下周四在美國肯薩斯州的Jackson Hole舉行。另外，聯儲局的公開市場委員會(FOMC)亦會公開最近一次議息會議紀要。
由於聯儲局主席唔會出席是次年會，市場估計聯儲局唔會宣布重大的貨幣政策決議。而各區聯儲銀行主席都會出席年會，肯定會就「退市」問題各抒己見，要留意主調係乜。預計全世界的投資者都會打雀咁眼睇實各官員會講乜，希望從中探聽到聯儲局「退市」的動向。
至於美股走勢，在一片不明確的氣氛圍繞下，大市今周估計都唔會有運行，下行的機會比較大，但相信唔跌得太深，因為聯儲局主席伯南克暫時不會出來表態，大家都係斷估，好友淡友都唔敢輕舉妄動也。
陸羽仁
回應(8) 我想回應
陸羽仁 BLOG 舊文
