數據迷局
2013/8/6 上午 09:22:01
網誌分類: 經濟
美國7月ISM服務業指數好由6月的52.2%大幅跳升至56%，遠好過市場預期，並且創了自今年2月以來的最高水準。不過美股未有因為經濟數據特別靚仔而有所表現，反而走軟。杜指全日在低位徘徊，收市跌46點至15612點；標普500指數挫3點，造1707點。
壓住大市的主要原因係達拉斯聯儲主席費希爾(Richard Fisher)話由於上月失業率下降，現時已接近聯儲局縮減QE(量化寛鬆)規模的時機，他希望從秋季開始「退市」。雖然費希爾的立場要比主席伯南克更加鷹派，而且今年無份投票，但他的言論仍對投資氣氛造成一定的壓力。美股累計升咁多，趁機亦屬正常。
聯儲局減唔減QE規模主要睇就業數據，但最近美國三個就業數據有少少不協調，上周五公布的非農業就業數據差過預期，昨日公布的ISM服務業數據好過預期，ISM製造業數據亦好過預期，究竟就業係好抑或唔好，總有一組數據有問題，唔可以同時?琚A一係回應ISM調查的被訪者太樂觀，或者非農業職位增長其實有更多，往後要上調。
Jones Trading的Michael O"Rourke話，非農業就業報告有點過時，在過去20年，80%的7月非農業就業職位數字最後要往上調，所以上周五的數字也可能是低估了。若然呢個估計係?琚A即係美國經濟續好，9月開始減少QE的機會不低。
昨日講到Piper Jaffray公司資深技術分析師Craig Johnson成功預測標普500指數今個夏天突破1700點，最近人氣急升，佢昨日接受CNBC的Fast Money節目時表示，現時走勢強硬，加上有新資金源源流入股市，預期標普500指數年底會再上一層樓，目標價1850點(比現價有8.3%可能升幅)，至2014年會漲至2000點(比現價有17%可能升幅)。他表示已注意到有共計184億美元的資金由PIMCO的債券基金流出，估計係由於債券價價下跌，債息向上，令好多投資者將資金搬到股市。另外，從理柏基金評級公司(Lipper)的資料顯示，單係上星期，就有超過20億美元流入股市。
美國10年期債收益率現時為2.65厘，Johnson預期在未來18至24個月內會升到3.4厘，呢個係佢參考了由1952年至1982年期間美債息口走勢得出的推論。
佢話當年的債市走勢同現時差唔多，事實上市場上已出現相類似的資金由債市轉入股市的情況出現。大量資金由固定現金回報投資轉入股市，造成現時的牛市，他認為大市升勢甚至可能比大家估計的更加強勁。
Johnson認為工業、製造業、金融及周期性消費股係推動大市向上的主力。另外，他又補充，能源股、原材料股及公用股會係最弱的一環。
陸羽仁
回應(4) 我想回應
陸羽仁 BLOG 舊文
