中環在線：開張吉日猛人出動七哥、郭少明分頭開舖鬥熱鬧 - 李華華
莎莎新店開張嶽少柯大俠都捧場
噚日肯定係吉日，「富豪飯堂」福臨門第二代「七哥」徐維均自立門戶開設?「家全七福」，同埋莎莎(178)位於銅鑼灣?概念店同日正式開張，不過就唔係擇埋同一個時辰。唔少政商界名人同隱影富豪畀面撐七哥，個別謙稱唔係經常幫襯，甚至係有人請客先到，真係信不信由你。
身兼港大校委會主席?梁智鴻醫生有份剪綵，佢話自己食?好簡單，多數有人請客，先去福臨門、家全七福。股壇名嘴陳永陸仲爆出一句「邊度有資格食」?呀。
投資?幾百萬做家全七福股東?莫慶雄醫生，就比較坦白，話去親福臨門必食鮑魚。佢爸爸係人稱「股聖」、已故前香港證券交易所主席莫應基。莫醫生同七哥好老友，不時一齊投資物業、食肆，七哥開檔當然預佢一份。
福臨門另一熟客糖王郭鶴年冇到，但就有旗下嘉里建設(683)主席黃小抗做代表。為回饋社會，七哥亦借此機會分別向中大同港大捐贈100萬元，港大副校長周肇平、中大校長沈祖堯現身接收支票兼剪綵。問到沈祖堯係咪熟客，佢即刻話「食得好平」。
■七哥邀請幾位貴賓一齊剪綵兼同舞獅合照；左起為艾敬、周肇平、「七哥」徐維均、沈祖堯、梁智鴻及莫慶雄。
吳克儉
陳永陸
馬廷強
大鴻輝主席梁紹鴻
「大師姐」麥麗敏
嘉里主席黃小抗
吳克儉現身唔答問題
去到開幕禮尾聲，兩位校長都走曬，教育局局長吳克儉竟然現身，但以私人活動為由，唔接受訪問，佢只同現場嘉賓傾偈，仲好欣賞七哥新店?菜色?！
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 毅行出哲學：有志者事竟成 - 蔡東豪
下一則: 中環在線：莎莎兩千金好省鏡 - 李華華
中環在線 - 李華華 舊文
